नवी दिल्ली : दिल्लीतील निर्भया बलात्कार व हत्या प्रकरणात फाशीची शिक्षा ठोठावण्यात आलेल्या अक्षयकुमार सिंह याची फेरविचार याचिका आज (बुधवार) सर्वोच्च न्यायालयाने फेटाळल्याने त्याचा फाशीचा मार्ग मोकळा झाला आहे.
या याचिकेवरील सुनावणीतून सरन्यायाधीश एस. ए. बोबडे यांनी स्वतःहून माघार घेतली होती. त्यामुळे या फेरविचार याचिकेची सुनावणी आज दुसऱ्या योग्य खंडपीठापुढे झाली. या खंडपीठात न्या. आर. भानुमती यांच्या नेतृत्वाखालील न्या. अशोक भूषण आणि न्या. बोपन्ना या विशेष खंडपीठाने अक्षय सिंगची पुनर्विचार याचिका फेटाळली.
निर्भया प्रकरणातील इतर तीन आरोपी मुकेश, पवन गुप्ता आणि विनय शर्मा यांनी दाखल केलेल्या फेरविचार याचिका सर्वोच्च न्यायालयाने मागील वर्षीच फेटाळून लावल्या होत्या. याप्रकरणी दिल्ली उच्च न्यायालयाने ठोठावलेली फाशीची शिक्षा कायम ठेवण्याचा निर्णय सर्वोच्च न्यायालयाने 2017 मध्ये दिला होता. या निर्णयावर अक्षयकुमारने फेरविचार याचिका दाखल केली होती. आता चौथ्या दोषीचीही याचिका फेटाळण्यात आल्याने फाशीच्या शिक्षेचा मार्ग मोकळा झाला आहे. निर्भयावर बलात्कार करणाऱ्यांना या महिन्यातच शिक्षा देण्याची शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.