वाराणसीतील (Varanasi) गंगा घाट आणि धार्मिक स्थळांवर 'बिगर हिंदूंना प्रवेश नाही' (Non Hindus Not Allowed) असे पोस्टर्स लावण्यात आले आहेत. हे पोस्टर्स प्रशासनाने लावले नसून विश्व हिंदू परिषद (VHP) आणि बजरंग दलने (Bajrang Dal) लावले आहेत. एवढंच नाही तर सनातन धर्मावर श्रद्धा असलेल्या लोकांचं स्वागत आहे, अन्यथा हा पिकनिक स्पॉट नाही, असंही पोस्टर्सवर लिहिलं आहे.
काशीमध्ये बजरंग दल आणि विश्व हिंदू परिषदेने असं करण्याचा हा पहिलाच प्रयत्न नाही. यापूर्वी 25 डिसेंबरला चर्चबाहेर हनुमान चालिसाचं पठण करण्यात आलं होतं, त्यानंतर 1 जानेवारीला वाराणसीतील मॉल आणि रेस्टॉरंट्सच्या बाहेर पाश्चात्य संस्कृतीशी संबंधित पार्टी साजरी न करण्याचा इशारा देणारे पोस्टरही लावण्यात आले होते. हिंदू संघटनांच्या कार्यकर्त्यांनी गंगेच्या घाटाजवळील पक्का घाट आणि धार्मिक स्थळांच्या भिंतींवर अहिंदूंना प्रवेशबंदीचा इशारा देणारे पोस्टर चिकटवले आहेत. सनातन धर्मावर श्रद्धा असणाऱ्यांचं स्वागत, इतरांच्या प्रवेशावर बंदी आहे, असं या पोस्टर्सवर स्पष्ट लिहिण्यात आलं आहे.
पोस्टर लावणारे विश्व हिंदू परिषदेचे काशी महानगरचे मंत्री राजन गुप्ता म्हणाले की, सनातन धर्म नसलेल्या लोकांसाठी चिकटवले जाणारे पोस्टर हे केवळ पोस्टर नसून एक इशारा देणारा संदेश आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.