श्रीनगर: चीननंतर पाकिस्तानला खुमखुमी आली असून, त्यांनी पुन्हा एकदा शस्त्रसंधीचे उल्लंघन केले. पाकिस्तानने आज (सोमवार) पहाटे केलेल्या गोळीबारात जवान हुतात्मा झाला आहे.
एएनआयने दिलेल्या माहितीनुसार, जम्मू-काश्मीरमधील कृष्णा घाटी आणि नौशेरा सेक्टरमध्ये गोळीबार करण्यात आला आहे. कृष्णा घाटीत पहाटे साडे तीन वाजता तर नौशेरा सेक्टरमध्ये पहाटे साडे पाच वाजण्याच्या सुमारास पाकिस्तानी सैन्यांकडून गोळीबार करण्यात आला. आपल्या जवानांनीही त्यांना चोख प्रत्युत्तर दिले. यावेळी झालेल्या चकमकीमध्ये जवान हुतात्मा झाला आहे.
भारतीय जवान पाकिस्तानला चोख प्रत्युत्तर देत असल्याची माहिती संरक्षण मंत्रालयाचे प्रवक्ते कर्नल आनंद यांनी दिली आहे. यावेळी झालेल्या गोळीबारात जवान हुतात्मा झाल्याचे त्यांनी सांगितले. दरम्यान, गेल्या आठवड्यात भारत-चीन सीमेवर झालेल्या संघर्षात भारताचे 20 जवान हुतात्मा झाले होते. चीन सैन्याच्या कमांडिंग ऑफिसरसह 43 जणांचा मृत्यू झाला आहे. लडाख भागातील पेनगॉंग सो येथे 5 मे पासून वाद सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.