नवी दिल्ली : कोरोनाचा वाढता उद्रेक पाहता पूर्ण देशभरात लॉकडाऊन घोषित करण्यात आले आहे. मात्र, या आदेशाकडे दुर्लक्ष करत लोक घराबाहेर पडत आहेत. रविवारी कोरोनाग्रस्तांच्या संख्येने हजाराचा टप्पा ओलांडला आहे. 

- बातम्या ऐकण्यासाठी डाऊनलोड करा ई-सकाळचे ऍप
 
पंतप्रधान नरेंद्र मोदींनी २१ दिवसांचा लॉकडाऊनची घोषणा केल्यामुळे येत्या १४ एप्रिलपर्यंत लॉकडाऊन कायम राहणार आहे. या लॉकडाऊन दरम्यान लोकांनी घरीच राहावे, अशी विनंती खुद्द पंतप्रधान नरेंद्र मोदींनी केली आहे. तसेच केंद्र आणि राज्य सरकारही वारंवार सूचना देत आहे. मात्र, नागरिक कोरोना व्हायरसला हलक्यात घेत असल्याचे चित्र दिसून आले आहे.

- महाराष्ट्रात कोरोनाचा आणखी एक बळी; मुंबईत 40 वर्षीय महिलेचा मृत्यू

'घरी राहा, सुरक्षित राहा' असा संदेश अनेकजण सोशल मीडियातून देत आहेत. पोलिस प्रशासन तसेच सरकारी यंत्रणाही याबाबत मोठ्या प्रमाणात जनजागृती करत आहे. या पार्श्वभूमीवर पंतप्रधान नरेंद्र मोदींनी आपल्या ट्विटर अकाउंटवरून एक हटके फोटो शेअर करत जनजागृती करण्याचा आणखी एक प्रयत्न केला आहे. पंतप्रधान मोदींनी शेअर केलेल्या फोटो हा एका लहान गोंडस मुलीचा असून तिच्या हातात एक सामाजिक संदेश लिहलेला फलक दिसून येत आहे. 

- Coronavirus : आपण आपल्या संयमांचं अतुलनीय दर्शन घडवलं; धन्यवाद ! : मुख्यमंत्री

दरम्यान, पंतप्रधान मोदी यांनी रविवारी (ता.२९) 'मन की बात' या कार्यक्रमाद्वारे देशभरातील जनतेशी संवाद साधला. कोरोनाला अटकाव करण्यासाठी देश लॉकडाऊन करावा लागला, यासाठी त्यांनी देशातील सर्व नागरिकांची माफी मागितली. तसेच यावेळी त्यांनी कोरोनाशी मुकाबला करण्याबाबत काही गोष्टी सांगितल्या. तसेच सर्वांनी घरातच थांबावे, अशी विनंतीही त्यांनी केली. 

- Coronavirus : भारतात कोरोनाग्रस्तांची संख्या १०००च्या पार; तर बळींचा आकडा...

हा कार्यक्रम संपल्यानंतर मोदींनी एका चिमुकलीचा फोटो आपल्या ट्विटर अकाउंटवरून शेअर केला. 'जर मी आईच्या गर्भात नऊ महिने राहू शकते? तर तुम्ही आपल्या भारतमातेसाठी २१ दिवस घरात का नाही राहू शकत?', असे या फोटोमध्ये लिहलेल्या संदेशात म्हटले आहे. मोदींनी हा फोटो शेअर करत मनोरंजक आणि खूप खोलवर भावना सांगणारा हा फोटो असल्याचे म्हटले आहे.