सहारनपूर (उत्तर प्रदेश): जगभरात कोरोना व्हायरसने धुमाकूळ घालायला सुरवात केल्यानंतर नागरिकांच्या सुरक्षिततेची जबाबदारी पोलिसांवर आली. पोलिस अहोरात्र रस्त्यावर उभे असून, नागरिकांची काळजी घेत आहेत.

बैलाच्या अंत्यसंस्कारासाठी जमले तीन हजार नागरिक अन्...

लॉकडाऊनच्या काळात पोलिस देवदूत बनत असल्याचे पाहायला मिळत आहे. नागरिकांच्या समस्या सोडविण्यासाठी पोलिस वारंवार धावून येत असल्याचे चित्र देशभरात पाहायला मिळत आहे. अशीच एक घटना उत्तर प्रदेशातील सहारनपूर येथे घडली आहे. बुडगाव शहरातील किशनपुरा गावात राहणाऱ्या एका विधवा महिलेला लॉकडाऊनमुळे अनेक समस्यांचा सामना करावा लागत होता. महिला आजारी पडल्याची माहिती पोलिसांना समजली. पोलिस महिलेच्या घरी आले आणि तिला मोटारीत घेऊन रुग्णालयात गेले. महिलेचे जवळचे कोणी नातेवाईक नसल्याचे समजल्यानंतर त्यांनीच काळजी घेतली. पण, उपचारादरम्यान महिलेचा मृत्यू झाला. दीपक चौधरी यांनी आपल्या पोलिस साथीदारांसह किशनपूर गावात शोक व्यक्त केला. त्यांनी या महिलेच्या पार्थिवाला खांदा देऊन अंत्ययात्रा काढली आणि सोशल डिस्टन्सिंगचं भाग राखून पार्थिवावर अंत्यसंस्कारही केले. पोलिसांनी या महिलेच्या पार्थिवाला खांदा दिल्याचा एक फोटो सोशल मीडियावर व्हायरल झाला असून, त्यांच्या कामाचे कौतुक होत आहे.

खोकल्यावर मित्र म्हणाला तूला कोरोना झाला का अन्...

दरम्यान, देशात कोरोना व्हायरसची 12 हजारहून अधिक लोकांना लागण झाली आहे. हा संसर्ग रोखण्यासाठी देशभरात 3 मे पर्यंत लॉकडाऊनच्या सूचना देण्यात आल्या आहेत. लॉकडाऊनमुळे वाहतूक ठप्प आहे आणि अत्यावश्यक सेवा वगळता बाहेर जाण्याची परवानगीही नाही. लॉकडाऊनदरम्यान पोलिस रस्त्यावर उभे राहून नागरिकांचे संरक्षण करताना दिसत आहेत.

Video: एका घासातच गिळला जीवंत ससा...