मुंबई : गौरी विसर्जनावेळी आवर्जून हजेरी लावलेल्या वरुणराजाने रविवारी लपंडावाचा खेळ मांडला. सात दिवसांच्या बाप्पाला निरोप देतानाही वरुणराजाने सायंकाळी आवर्जून हजेरी लावली. त्यामुळे सात दिवसांच्या गणपतीला निरोप देणाऱ्या गणेशभक्तांनाही वरुणराजाने वृष्टी केली. मंगळवारपर्यंत मुंबईत काही ठिकाणी मुसळधार पावसाच्या सरी बरसतील, असा इशारा मुंबई प्रादेशिक हवामान खात्याने वर्तवला आहे. मात्र, सोमवारी मुंबई वगळता संपूर्ण कोकणात उद्या अतिवृष्टीचा इशारा देण्यात आला आहे.
दिवसभरात पावसाची संततधार तर मधूनच काही वेळेसाठी ब्रेक तर सायंकाळनंतर अचानक जोर धरत पावसाचा दिनक्रम सुरु होता. सुरवातीला सकाळी पावसाचा जोर दिसून आल्याने गौरी विसर्जनाप्रमाणेच भिजवणार की काय, असा प्रश्न मुंबईकरांना होता. सकाळी अकरानंतर पावसाचा ब्रेक दिसून आला. सकाळी अकरा ते दुपारी दोनपर्यंत सांताक्रूझ केंद्रात फक्त सहा मिलीमीटर पावसाची नोंद झाली. त्यानंतर पावसाला जोर चढला.
सायंकाळी साडेपाच वाजता सांताक्रूझ येथे 21 मिमी पावसाची नोंद झाली. कमाल तापमान 29.1 अंश सेल्सिअसवर कायम असताना किमान तापमान एक अंशाने कमी नोंदवले गेले. किमान तापमान 23.6 अंश सेल्सिअस हे सरासरीच्या उणे नऊ अंशाने नोंदवले गेले.
दरम्यान, उर्वरित कोकणपट्ट्यात पावसाचा फारसा जोर दिसून आला नाही. सायंकाळी साडेपाचच्या नोंदीत डहाणूत केवळ तीन मिलीमीटर तर रत्नागिरीत चार मिलीमीटर पावसाची नोंद झाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.