सोशल मीडियावर बरेच व्हिडिओ व्हायरल होत असतात. काही व्हिडिओ धक्कादायक असतात तर काही व्हिडिओ कॉमेडी असतात. मात्र अलीकडे व्हायरल होत असलेला शाळेतील प्राध्यापक आणि विद्यार्थ्याचा हा धक्कादायक व्हिडिओ सोशल मीडियावर चांगलाच व्हायरल होतोय. या व्हिडिओमध्ये शाळेतील लहान मुले चक्क टॉयलेट स्वच्छ करताना दिसताय. हे बघून अनेकजण थक्क झाले असून या व्हिडिओची सर्वत्र चर्चा चालली आहे.
माहितीनुसार हा व्हिडिओ उत्तर प्रदेशातील बालिया जिल्ह्यातील सोहवनमधील आहे. पिपरा कला प्राथमिक शाळेत विद्यार्थ्यांना अभ्यासाचे धडे देण्याऐवजी त्यांच्याकडून स्वच्छतागृहाची स्वच्छता करून घेतली जात होती. या निरागस विद्यार्थ्यांना स्वच्छतागृह स्वच्छ करण्याची चक्क सक्ती केली गेल्याचे या व्हिडिओमध्ये स्पष्टच दिसून येते. एका व्यक्तीने तर त्या विद्यार्थ्यांना खडसावत शौचालयाची नीट साफसफाई केली नाही तर ते बंद करू, असेही म्हटले आहे.
कोणीतरी गुपचूप हे प्रकरण कॅमेऱ्यात कैद केले आणि त्याचा व्हिडिओ सोशल मीडियावर शेअर करण्यात आलाय. या सगळ्यांमागे शाळेच्या मुख्याध्यापकाचा हात असल्याचा अंदाज वर्तवला जात आहे. हा धक्कादायक व्हिडिओ सोशल मीडियावर चांगलाच व्हायरल होत असून शाळेच्या निरागस मुलांवरील अशी सक्ती बघून नेटकरी पेटून उठले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.