Karnataka Assembly Election 2023 : कर्नाटकमध्ये भाजप आणि काँग्रेस समोरासमोर भिडले आहेत. विधानसभा निवडणुकांमुळे राजकीय रणधुमाळीला वेग आलेला आहे.

कर्नाटकच्या बागलकोट जिल्ह्यातील एका सभेत बोलतांना प्रियंका गांधी यांनी पंतप्रधानांच्या वक्तव्याचा समाचार घेतला आहे. त्या म्हणाल्या पंतप्रधानांच्या दिलेल्या ९१ शिव्या कमीत कमी एका पानावर तरी मावत आहेत. परंतु त्यांनी दिलेल्या शिव्यांचं पुस्तक काढावं लागले, कारण त्यांची यादी मोठी आहे.

काँग्रेस अध्यक्ष मल्लिकार्जून खर्गे यांनी कर्नाटक येथील एका सभेत मोदांनी विषारी साप, असं म्हटलं होतं. त्यानंतर त्यांनी खुलासा करुन सारवासारव केली होती. त्यावर बोलतांना नरेंद्र मोदी यांनी काँग्रेसने आतापर्यंत आपल्याला ९१ वेळा वेगवेगळ्या पद्धतीने शिव्या दिल्याचं नमूद केलं होतं.

यावर बोलतांना प्रियंका कांधी म्हणाल्या की, मागच्या दोन-तीन दिवसांपासून मी बघतेय हे काहीतरी विचित्र आहे. मी अनेक पंतप्रधानांना बघितलं आहे. इंदिरा गांधी यांनी या देशासाठी गोळ्या खाल्ल्या आहेत. मी राजीव गांधींना बघितलं आहे. देशासाठी त्यांनी आपला जीव दिला.

परंतु नरेंद्र मोदी पहिले पंतप्रधान आहेत, जे आपल्यासमोर येतात आणि मला शिव्या दिल्या म्हणून रडतात. तुमचं दुःख ऐकण्याऐवजी ते स्वतःच्या समस्या सांगत आहेत. गांधी पुढे म्हणाल्या, मोदीजी तुम्ही हिंमत करा. माझा भाऊ राहुल गांधीकडून शिका. तो म्हणतोय की देशासाठी गोळ्या खायला तयार आहे, फक्त शिवी नाही. असं सांगत त्यांनी मोदींसाह भाजपवर निशाणा साधला.