चंदीगड : काँग्रेस पक्षाचे माजी अध्यक्ष राहुल गांधी यांनी आज मंगळवारी (ता.सात) पंजाबी गायक तथा पक्षाचे नेते सिद्धू मुसेवाला यांच्या कुटुंबाची भेट घेतली. काही दिवसांपूर्वी मुसेवाला यांची गोळ्या झाडून हत्या करण्यात आली होती. यावेळी गांधी यांनी मुसेवाला कुटुंबाचे सांत्वन केले. भेटीनंतर राहुल गांधी (Rahul Gandhi) यांनी ट्विट केले आहे. (Rahul Gandhi Meet Siddhu Moosewala's Family In Mansa Of Punjab)

त्यात ते म्हणतात, काँग्रेस (Congress Party) नेता सिद्धू मुसेवाला (Siddhu Moosewala) यांच्या आई-वडिलांची भेट घेतली. ते कठीण परिस्थितीतून जात असून ते सांगणे अवघड आहेत. त्यांना न्याय मिळवून देणे हे आमचे कर्तव्य आहे. ते आम्ही मिळवून देऊच, असा विश्वास राहुल यांनी व्यक्त केला. राज्यातील कायदा-सुव्यवस्था पूर्णपणे विस्कळीत झाली आहे. पंजाबमध्ये शांतता व सुव्यवस्थे राखणे आप सरकारच्या आवाक्यातील गोष्ट नाही, असा टोला त्यांनी पंजाब सरकारला लगावला आहे.

पुणे कनेक्शन

सिद्धू मुसेवाला हत्येचं पुणे कनेक्शन स्पष्ट झाले आहे. संतोष जाधव (वय २४, रा.पोखरी, ता.आंबेगाव) व सौरभ महाकाळ (रा.मढ-पारगाव, ता.जुन्नर) यांनी मुसेवाला यांची हत्या केले असल्याचे उघड झाले आहे.