Congress MP Rajani Patil : काॅंग्रेस अध्यक्षा सोनिया गांधींच्या विश्वासू अशी ओळख असणाऱ्या खासदार रजनी पाटील यांना राज्यसभा सभापती जगदीप धनखड यांनी निलंबित केलं.

सभागृहाच्या कामकाजाचं चित्रीकरण केल्याबद्दल सभापती धनखड यांनी काँग्रेस खासदार पाटील यांना अर्थसंकल्पीय अधिवेशनाच्या उर्वरित कामकाजाकरिता निलंबित केलं.

उपराष्ट्रपती आणि राज्यसभेचे सभापती धनखड यांनी ही मोठी कारवाई केलीये. केंद्रीय मंत्री पियुष गोयल यांनी पाटील यांच्या या कृतीवर आक्षेप घेतला होता. सोनिया गांधींच्या किचन कॅबिनेटमधील एक नेत्या अशी पाटील यांची ओळख होती.

युवा नेते राजीव सातव यांच्या निधनानंतर रिक्त झालेल्या जागेसाठी मुकुल वासनिक, पृथ्वीराज चव्हाण यांच्यासह अनेक नावं चर्चेत होती. मात्र, रजनी पाटील यांना संधी देऊन काँग्रेसनं एका महिला नेत्याला संधी दिली होती. मात्र, सभागृहाच्या कामकाजादरम्यान व्हिडिओ बनवणं काँग्रेसच्या खासदार रजनी पाटील यांना महागात पडलंय.