22 जानेवारी रोजी अयोध्येमध्ये श्री राम मंदिराच्या प्राण प्रतिष्ठेचा भव्य सोहळा पार पडणार आहे. त्याची सर्व स्तरातून तयारी सुरू आहे. राम मंदिराबाबत लोकांमध्ये प्रचंड उत्साह आहे. पंतप्रधान नरेंद्र मोदी राम मंदिराचे उद्घाटन करणार आहेत. त्याआधी, सोशल मीडिया प्लॅटफॉर्मवर त्यांनी एक भजन शेअर करताना ते म्हणाले की, राम लाल्लाचे स्वागत करण्यासाठी हे एक मंत्रमुग्ध करणारे भजन आहे.

या भजनाची यूट्यूब लिंक शेअर करताना पंतप्रधान नरेंद्र मोदी यांनी लिहिले की, "श्री राम लल्लाचे स्वागत करताना स्वाती मिश्रा यांचे हे भक्तिमय भजन मंत्रमुग्ध करणारे आहे..." स्वाती मिश्रा या बिहारच्या छपरा येथील रहिवासी आहेत. या भजनापूर्वी त्यांची छठी मैयावर गायलेली गाणी सोशल मीडियावर चांगलीच व्हायरल झाली होती. त्याचवेळी त्यांचे हे भजनही चांगलेच व्हायरल होत असून अनेक जण सोशल मिडीयावर हे रील शेअर करताना दिसत आहेत.

स्वाती मिश्रा सध्या मुंबईत असून संगीत क्षेत्रात आपला ठसा उमटवत आहे. या भजनापूर्वी त्यांना इतकी प्रसिद्धी मिळाली नसली तरी ते व्हायरल झाल्यानंतर पंतप्रधान मोदींनीही त्यांचे भजन शेअर करून त्यांना प्रसिद्ध केले आहे.

मोदींनी राम भजन शेअर करण्याचे केले आवाहन

राम मंदिराच्या उद्घाटनापूर्वी मोदींनी राम भक्तांना श्री राम भजन हॅशटॅगसह भजन सोशल मीडियावर शेअर करण्याचे आवाहन केले होते. यानंतर त्यांनी स्वतः हे भजन शेअर केले. मन की बात या कार्यक्रमात देशाला संबोधित करताना ते म्हणाले होते, "माझी तुम्हा सर्वांना विनंती आहे, आपण सर्वांनी भगवान रामाशी संबंधित #SHRIRAMBHAJAN हा कॉमन हॅश टॅगसह कविता,भजन आदी सोशल मिडीयावर शेअर करा." (Modi appealed to share Ram Bhajan)