कोरोना विषाणूच्या संक्रमणाच्या सुरुवातीच्या टप्प्यात या विषाणूची जोखीम पुरुषांना अधिक असल्याचे निष्कर्ष समोर येत होते. मात्र आता नव्या अभ्यासानुसार कोरोना विषाणूचा सर्वाधिक धोका हा महिलांमध्ये असल्याचा निष्कर्ष एका अभ्यासातून काढण्यात आला आहे. 20 मे पर्यंतच्या आकडेवारीनुसार, पुरुषांच्या तुलनेत महिलांच्या मृत्यूदराचे प्रमाणा हे अधिक आहे. ग्लोबल हेल्थ सायन्सने प्रसिद्ध केलेल्या एका अहवालानुसार, कोरोना विषाणूच्या संकटजन्य परिस्थितीत पुरुषांचे मृत्यू प्रमाण हे 2.9 टक्के इतके असून महिलांचा मृत्यू दर हा 3.3 टक्के इतका आहे. वेगवेगळ्या संस्थेच्या डेटा एकत्रित करुन हा निष्कर्ष काढण्यात आला आहे.   

कोरोनावरील लस पुढच्या सहा महिन्यांत शक्य; संशोधन शेवटच्या टप्प्यात

20 मे पर्यंतच्या आकडेवारीनुसार कोरोना विषाणूची लागण झालेल्या रुग्णांमध्ये पुरुषांचा आकडा 66 टक्के असून उर्वरित 34 टक्के कोरोनाग्रस्तांमध्ये महिलांचा समावेश आहे. कोरोना विषाणूची लागण होण्याच्या स्त्री-पुरुष प्रमाणात मोठे अंतर दिसत असले तरी मृत्यू दर हा महिलांमध्ये अधिक असल्याचे दिसून आले आहे. यात पाच वर्षांखालील आणि वयोवृद्ध महिलांचा समावेश आहे. आरोग्य व कुटुंब कल्याण मंत्रालयाच्या प्राथमिक अंदाजानुसार कोरोनाची लागण झाल्याची पुष्टी झालेल्या प्रकरणांपैकी तीन चतुर्थांश पुरुष आहेत.

कोरोनाच्या रुग्णावर पहिली यशस्वी शस्त्रक्रिया, भारतीय वंशाच्या डॉक्टरने बजावली प्रमुख भूमिका

विविध देशांकडील  प्राथमिक पुराव्यांवरून असे दिसून येते की पुरुषांना संसर्ग तसेच मृत्यूचा जास्त धोका अधिक असतो. पण भारतातील चित्र वेगळे दिसून येत आहे. पाच वर्षांखालील मुलांमध्ये 51 टक्के, मुलींमध्ये 48.5 टक्के,  30 ते 39 या मध्यम वयोगटात जवळपास 70.4 टक्के प्रमा हे पुरुषांचे आहे. मृत्यू दरात वयोवृद्ध महिलांमधील आकडा हा सर्वाधिक आहे.  30 ते 39 वयोगटातील महिलांमध्ये 21.3 टक्के इतका कमी मृत्यू दराची नोंद झाली आहे.