लखनौ (उत्तर प्रदेश): एक हुशार मुलगी अमेरिकेत शिक्षण घेत होती. सुट्टी असल्यामुळे ती भारतात आली होती. काकांसोबत दुचाकीवरून प्रवास करत असताना रोडरोमीओंनी छेड काढण्यास सुरवात केली. अखेर तिला जीवाला मुकावे लागले. सुदीक्षा भाटी असे मृत्युमुखी पडलेल्या युवतीचे नाव आहे.

बाळाला पुरलं जीवंत अन् रात्री आला रडण्याचा आवाज...

उत्तर प्रदेशातील बुलंदशहरात छेडछाडीची घटना घडली आहे. प्रसारमाध्यमांनी दिलेल्या वृत्तानुसार, सुदीक्षा ही अमेरिकेत स्कॉलरशिपवर उच्च शिक्षण घेत होती. सुट्ट्यांमुळे घरी आली होती. रविवारी ती तिच्या काकांसोबत दुचाकीवरून प्रवास करत होती. प्रवासादरम्यान एका बुलेटवरून आलेल्या दोघा रोडरेमिओंनी तिची छेड काढायला सुरुवात केली. बुलेटवरून त्यांच्या दुचाकीजवळ फिरून तिच्यावर अश्लील टिपण्णी करू लागले. शिवाय, स्टंटबाजीही करू लागले. त्यांच्याकडे दुर्लक्ष करून तिच्या काका शांतपणे दुचाकी चालवत होते. मात्र, त्या रोडरोमिओंनी त्यांची बुलेट काकांच्या दुचाकीसमोर नेऊन आडवी घातली. अचानक आडवी मारल्यामुळे काकांनी दुचाकीला ब्रेक मारला. यामुळे काका आणि सुदीक्षा दुचाकीवरून खाली पडले. सुदीक्षाच्या डोक्याला गंभीर दुःखापत झाल्यामुळे तिचा जागेवरच मृत्यू झाला.

सापाची दहशत; तीन भावांचा मृत्यू

दरम्यान, अपघाताची माहिती समजल्यानंतर नातेवाईकांसह पोलिस घटनास्थळी दाखल झाले. या प्रकरणी दोन जणांविरुद्ध गुन्हा दाखल करण्यात आला आहे. गौतमबुद्ध नगरमध्ये राहणाऱ्या सुदीक्षाची घरची परिस्थिती नाजूक आहे. सुदीक्षाचे वडील ढाबा चालवतात. तरीही प्रतिकूल परिस्थितीत तिने शिक्षणात भरारी घेतली. बारावीमध्ये राज्यात पहिली आलेली सुदीक्षा उच्च शिक्षणासाठी स्कॉलरशिपवर अमेरिकेत गेली होती. पण, रोडरोमिओंमुळे तिला जीवाला मुकावे लागल्यामुळे खळबळ उडाली आहे.