मुर्शिदाबाद : राष्ट्रीय स्वयंसेवक संघाचे कार्यकर्ते प्रकाश पाल यांची काही अज्ञातांनी हत्या केली. प्रकाश यांच्यासह त्यांची पत्नी ब्युटी पाल आणि त्यांचा सहा वर्षीय मुलगा अंगण पाल याचीही हत्या करण्यात आली. ब्युटी पाल या आठ महिन्यांच्या गरोदर होत्या. ही घटना पश्चिम बंगालच्या मुर्शिदाबाद येथे घडली.
प्रकाश, ब्युटी पाल यांच्यासह त्यांच्या मुलाला हल्लेखोरांनी भोकसून हत्या केली. तसेच अंगण पाल या बालकाचा गळाही दाबण्यात आला. यामध्ये तिघांचा दुर्दैवी मृत्यू झाला. याबाबत चौकशी अधिकाऱ्यांनी सांगितले, की प्रकाश पाल हे मंगळवारी सकाळी 11 वाजता दिसले. त्यावेळी ते बाजारातून घरी येत होते. मात्र, तासाभरातच या कुटुंबातील तिघांचीही हत्या झाल्याचे समजले.
मुर्शिदाबादचे (दक्षिण) भाजप उपाध्यक्ष हुमायून कबीर यांनी सांगितले, की पाल हे आरएसएस सदस्य होते. मात्र, त्यांच्या हत्येशी कोणताही राजकीय संबंध नाही. प्रकाश आणि अंगण पाल या दोघांचे मृतदेह कनाईगंज-लेबुताला येथील त्यांच्या निवासस्थानी आढळले आहेत.
व्यवसायाने होते शिक्षक
प्रकाश पाल आरएसएसचे कार्यकर्ते होते. मात्र, ते व्यवसायाने शिक्षकही होते. मंगळवारी त्यांची हत्या झाल्याचे समोर आले आहे.
ट्विटरवर #Murshidabad ट्रेंड
दरम्यान, हा घटनेचे वृत्त समोर आल्यानंतर नेटीझन्सकडून याचा निषेध आणि संताप व्यक्त केला जात आहे. त्याच पार्श्वभूमीवर ट्विटरवर सध्या #Murshidabad हा ट्रेंड सुरु आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.