गाजियाबाद : उत्तर प्रदेशात सत्ताधारी (UP Assembly Election 2022) भाजप घाबरलेले असून हारणार पैलवान कधी चावतो तर कधी बोचकारतो अशी बोचरी टीका समाजवादी पक्षाचे अध्यक्ष आणि माजी मुख्यमंत्री अखिलेश यादव (Akhilesh Yadav) यांनी शनिवारी केली आहे. हे लोक हरले असून, शेतकरी आणि तरुण यांचा पराभव करतील असे सांगत, उत्तर प्रदेशात समाजवादी आघाडीचे (Samajwadi Party) सरकार स्थापन होणार आहे हे प्रत्येक वर्गातील लोकांनी मान्य केले आहे, असा दावा अखिलेश यांनी केला. यावेळी त्यांनी इथे सरप्राईज मिळणार नाही, पणे भाजपला खरे सरप्राईज गुजरातमधून मिळणार असल्याचे अखिलेश यांनी सांगितले.

यूपीच्या जनतेने आपला निकाल दिला असून, येथे सपाचे सरकार स्थापन होणार आहे, हे येथील जनतेने, विशेषतः शेतकरी, तरुण व्यापारी, प्रत्येक वर्गातील लोकांनी मान्य केले आहे. राष्ट्रपिता महात्मा गांधी यांच्या मारेकऱ्यांचा आदर करणाऱ्यांना जनता धडा शिकवेल, असे अखिलेश म्हणाले. (UP Election Latest News In Marathi)

तीन कृषी कायद्यांचा (Farmer Law) संदर्भ देत अखिलेश यादव यांनी प्रश्न उपस्थित केला की, भाजपने शेतकऱ्यांचा अवमान का केला? भाजपने (BJP) अन्नदात्यांचा अपमान केला हे शेतकरी कसे विसरणार, असे अखिलेश म्हणाले. सपा आणि आरएलडी आघाडीच्या उमेदवारांच्या बाजूने मतदान करण्याचे आवाहन करताना ते म्हणाले की, आज जयंत चौधरी माझ्यासोबत आहेत आणि आम्ही दोघेही शेतकऱ्यांचा लढा एकत्र लढत आहोत याचा मला आनंद आहे.

चौधरी चरणसिंग यांनी शेतकऱ्यांच्या (Farmer) समृद्धीसाठी लढा दिला हे वास्तव मतदारांना माहीत आहे. सर्व शेतकऱ्यांना एकत्र आणून त्यांनी आंदोलने केली. जयंत चौधरी आणि इथल्या शेतकऱ्यांसाठी लढणाऱ्या सर्वांना चौधरी चरणसिंग यांचा वारसा वाचवण्याची आणि पुढे नेण्याची संधी मिळाली असल्याचेदेखील अखिलेश यादव यांनी यावेळी सांगितले.