नवी दिल्ली : पंतप्रधान नरेंद्र मोदी सध्या 'सरकारी कंपनी बेचो' अशी मोहीम चालवत आहेत, असा आरोप राहुल गांधी यांनी केला आहे. मागील काही दिवसांपासून राहुल गांधी हे पंतप्रधान नरेंद्र मोदी यांच्यावर वारंवार टिका करताना दिसते. मोदी सरकारच्या काळात देशाची अर्थव्यवस्था कोलमडली असून आता या सरकारने राष्ट्रीय संपत्ती थोडी-थोडी करुन विकायला काढली आहे. देशाच्या भविष्याला आणि विश्वासाला बेदखल करुन LIC ला विकणे हा मोदी सरकारचा आणखी एक लज्जास्पद प्रयत्न सुरु आहे. अशा शब्दात ट्विटच्या माध्यमातून राहुल गांधी मोदी सरकारवर घणाघात केलाय.
या ट्विटसोबत राहुल गांधींनी एक बातमीचे कात्रण शेअर केले आहे. या बातमीला 'LIC चा 25 टक्के भाग विकून तिजोरी भरेल सरकार' असे शिर्षक आहे. गेल्या काही दिवसांपासून अनेक सरकारी संस्थांचे खाजगीकरण करणे सुरु आहे. अनेक सरकारी संस्था तोट्यात निघाल्यामुळे त्यांचं खाजगीकरण करण्यात येत आहे. याचाच समाचार घेत आज राहुल गांधी यांनी मोदी सरकारवर ट्विटरच्या माध्यमातून पुन्हा एकदा निशाणा साधला. करत टिका केली आहे. यापूर्वी देखील ट्विटमधूनही राहुल गांधी यांनी याच मुद्यावरुन पंतप्रधान नरेंद्र मोदींवर टिका केली होती. मोदी सरकारच्या धोरणामुळे सध्याच्या परिस्थितीला देश अनेक संकटांचा सामना करत आहे. ज्यामध्ये अनावश्यक खाजगीकरण एक मोठं संकट आहे . तरूणांना नोकरी हवी आहे. परंतु, सरकार PSU (Public Sector Undertaking) चे खाजगीकरण करत असून रोजगार नष्ट करत आहे. यात फायदा कुणाचा? असा प्रश्न त्यांनी उपस्थितीत केला होता. जे मोदींचे खास मित्र आहेत त्यांचाच विकास मोदी सरकारने करायचे ठरवलंय, असा टोलाही राहुल गांधींनी मोदींना लगावला होता.
अलीकडेच राहुल गांधी यांनी व्हिडीओच्या माध्यमातून मोदी सरकारच्या धोरणावर आणि निर्णयावर सविस्तर मांडणी करत असल्याचे पाहायला मिळत आहे. नरेंद्र मोदी सरकार हे सत्तेत आल्यापासून आर्थिक आघाड्यांवर कशा पद्धतीने घोडचुका करत गेले आहे, याचा पाढाच राहुल गांधी यांनी या व्हिडीओच्या माध्यमातून वाचला आहे. चार भागांमध्ये हे व्हिडीओ करण्यात आले आहेत. 'अर्थव्यवस्था की बात, नोटबंदी की बात आणि GST की बात' अशा विषयांवर हे व्हिडीओ आहेत. याचा चौथा भाग अद्याप समोर प्रसिद्ध करण्यात आलेला नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.