नवी दिल्ली - राष्ट्रपती रामनाथ कोविंद यांनी संसदेचे अर्थसंकल्पी अधिवेशन बोलावण्याचे औपचारिक आदेश दिले आहेत. अधिवेशन २९ जानेवारीला सुरू होईल. तर ८ एप्रिलला अधिवेशनाचा समारोप होईल. राष्ट्रपती अभिभाषणाने सुरवात होणाऱ्या या अधिवेशनाच्या पहिल्याच दिवशी आर्थिक पाहणी अहवाल पटलावर मांडला जाईल.
अर्थसंकल्पीय अधिवेशनादरम्यान कोविड प्रोटोकॉलचे कसोशीने पालन केले जाणार आहे. कर्मचारी, सुरक्षा रक्षक यांच्यासह लोकप्रतिनिधींना आणि वार्तांकन करणाऱ्या माध्यमांनाही कोरोना चाचणी बंधनकारक असेल. संसंदेच्या अधिवेशनाच्या प्रस्तावित वेळापत्रकाची शिफारस दोन आठवड्यांपूर्वी मंत्रिमंडळाच्या संसदीय व्यवहार विषयक केली होती. त्यानुसार राष्ट्रपती रामनाथ कोविंद यांनी अधिवेशन बोलावले आहे. २९ जानेवारीला दोन्ही सभागृहांच्या संयुक्त बैठकीसमोर राष्ट्रपतींच्या अभिभाषणाने अधिवेशनास प्रारंभ होईल. याच दिवशी आर्थिक पाहणी अहवालही मांडला जाईल. तर एक फेब्रुवारीला केंद्रीय अर्थसंकल्प अर्थमंत्री निर्मला सीतारामन संसदेत मांडतील. पहिला टप्पा १५ फेब्रुवारीला संपेल. अधिवेशनाचा दुसरा टप्पा ८ मार्चला सुरू होऊन ८ एप्रिलला संपेल.
कामकाजाच्या वेळा
संसंदेच्या अर्थसंकल्पी अधिवेशनात राज्यसभेचे कामकाज सकाळी ९ वाजेपासून ते दुपारी २ वाजेपर्यंत चालणार आहे. तसेच लोकसभेचे कामकाज सायंकाळी चारपासून ते रात्री ९ वाजेपर्यंत चालणार अाहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.