पंतप्रधान नरेंद्र मोदींची नक्कल करून प्रसिद्ध झालेल्या कॉमेडियन श्याम रंगीला या 29 वर्षांच्या तरुणाने 2024 ची लोकसभा निवडणूक उत्तर प्रदेशच्या वाराणसी लोकसभा मतदारसंघातून लढवण्याची घोषणा केली आहे.

श्याम रंगीला आता पीएम मोदींना आव्हान देणार आहेत. श्याम रंगीला याने नुकतेच एक्सवर पोस्ट करत व्हायरल केले की, तो वाराणसीमधून निवडणूक लढवणार आहे. कारण कोणता उमेदवार केव्हा उमेदवारी मागे घेईल हे सध्या सांगता येत नाही. (Shyam Rangeela To Fight Against PM Narendra Modi From Varanasi Lok Sabha Election 2024)

आतापर्यंत लोक त्यांच्या पोस्टकडे केवळ गंमत म्हणून पाहत होते. पण आता एका मीडिया हाऊसशी बोलताना त्याने याला दुजोरा दिला आहे.

श्याम रंगीला म्हणाला की, या आठवड्याच्या अखेरीस तो वाराणसीला जाऊन पंतप्रधान मोदींविरोधात उमेदवारी दाखल करणार आहे.

लोकशाही जिवंत राहावी यासाठी आपण हे करत असल्याचं कॉमेडियन श्याम रंगीला याने सांगितले. तो म्हणाले की, आजकाल कोण उमेदवारी कधी मागे घेईल हे कोणालाच माहीत नाही. अशा स्थितीत तो निवडणुकीच्या रिंगणात राहणार आहे. निवडणुका होतील आणि लोकही मतदान करू शकतील, असा संदेश तो जनतेला देईल.

29 वर्षीय श्याम रंगीला पंतप्रधान नरेंद्र मोदी यांच्या मिमिक्रीमुळे प्रसिद्धीझोतात आला होता. त्याने अनेक कॉमेडी शोमध्येही भाग घेतला आहे.

पीएम मोदींविरोधात निवडणूक लढवल्यास ईडीच्या भीतीच्या प्रश्नावर श्याम रंगीला म्हणाला की, मला त्याची भीती नाही. माझे बँक अकाउंट्स तपासली तर त्यात काहीही सापडणार नाही. मी खरा फकीर आहे, झोळी घेऊन निघून जाईन.

श्याम रंगीला म्हणाला की, मी एकेकाळी पंतप्रधान नरेंद्र मोदींचा चाहता होतो. तो म्हणाले की, 2016-17 पर्यंत मी भक्त होतो. पण माझ्यावर निर्बंध लादले गेले. मला टीव्ही शोच्या ऑफर्सही येत होत्या. पण पुढे स्क्रिप्ट मंजूर होत नसल्याचे सांगितले आणि मला काढून टाकले.