सध्या सोशल मीडियावर (Social media) एक व्हिडिओ प्रचंड व्हायरल होतोय. या व्हिडीओमध्ये एक लहान मुलगा आपल्या हाताची ताकद दाखवून सर्वांना चकित करताना दिसतोय. त्या मुलाची ताकद पाहण्यासाठी आजूबाजूला उभे असलेले लोक आश्चर्यच झाले. हा मुलगा आपल्या हातांनी जड ट्रॅक्टर (Tractor) उचलतोय. सगळ्यात आश्चर्यायाची गोष्ट म्हणजे त्या ट्रॅक्टरमध्ये काही मुलं बसलेली आहेत.

हा व्हिडिओ सोशल मीडियावर येताच खूप व्हायरल (Viral Video) झाला आहे. व्हिडिओ पाहून लोक त्या मुलाला 'बाहुबली' असं म्हणत आहेत. युजर्स हा व्हिडिओ आपल्या मित्रांसोबत शेअर करतानाही दिसत आहेत. व्हिडिओमध्ये दिसत आहे की, एक लहान मुलगा समोरच्या बाजूने ट्रॅक्टर उचलण्याचा प्रयत्न करतो.

हा मुलगा पुढच्या चाकांच्या बाजूने ट्रॅक्टर उचलत आहे. आपण पाहू शकता की ट्रॅक्टरवर बरीच मुले बसलेली आहेत. मुले बसल्यामुळे ट्रॅक्टर उचलणं इतकं सोपं नव्हतं. पण तो मुलगा ट्रॅक्टरच्या पुढे जाऊन त्याला उचलून घेतोय. ट्रॅक्टरही तो जरा जवळ करतो. सोशल मीडिया यूजर्स या चिमुकल्याला असं करताना पाहून आश्चर्यचकित झाले आहेत. प्रत्येकजण मुलाचे कौतुक करीत आहे. मात्र काही लोक तर हा व्हिडिओ फेक असल्याचंही सांगत आहेत.

याशिवाय ट्रॅक्टरच्या मागच्या बाजूला लोड असल्याचं काही जणांचं म्हणणं आहे. ज्यामुळे ते उचलणं सोपं जातं. हा व्हिडिओ आतापर्यंत 65 लाखहून अधिक लोकांनी पाहिला आहे. 40 लाखांहून अधिक युजर्सनी हा व्हिडिओ लाइक केला आहे. या व्हिडिओवर बहुतांश युजर्स आश्चर्यकारक इमोजीसह कमेंट करत आहेत.