भिंड (मध्य प्रदेश): एका घरामध्ये 12 जण राहात असून, सर्वजण घाबरले आहेत. कारण, त्यांच्या घरामध्ये दररोज सापाची पिले निघतात. आतापर्यंत तब्बल 123 पिले निघाली असून, दररोज हा आकडा वाढतच चालला आहे.
चचाई या गावामध्ये राजकुमार कुशवाहा यांचे घर आहे. घरामध्ये 12 जण राहतात. पण, संपूर्ण कुटुंब काही दिवसांपासून काळजीत आहे. अंधार पडू लागला की 5 ते 25 सापाची पिले बाहेर येतात आणि घरभर फिरायला सुरवात करतात. एक-दोन नव्हे तर 123 पिले त्यांनी पकडून जंगलात नेऊन सोडली आहेत. घरामध्ये प्रवेश कसा करायचा असा प्रश्न कुटुंबियांना पडला आहे. यामुळे घरातील लहान मुले तर घरामध्ये प्रवेश करायला घाबरतात. गावातील या घटनेमुळे परिसरात एकच खळबळ उडाली असून लोकांमध्ये भीतीचे वातावरण निर्माण झाले आहे.
राजकुमार यांनी सांगितले की, 'एक दिवस संध्याकाळी साडे सातच्या सुमारास 4 ते 5 सापाची पिले फरशीवर दिसली. ही सापाची पिले उचलली आणि गावाच्या बाहेर सोडून दिली. पण, दुसऱया दिवशी पुन्हा पिले निघाली. गेल्या आठ दिवसांपासून दररोज अंधार पडला की पिले बाहेर येतात. एके दिवशी तर तब्बल 51 पिले बाहेर आली होती. पिले पाहिल्यानंतर ती कोब्रा जातीची असल्याचे सर्पमित्राने सांगितले.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.