सिमला (हिमाचल प्रदेश): एक डॉक्टर गरमागरम सामोसा खात होते. पण, अचानक त्यांच्या तोडांमधून फेस येऊ लागला. शिवाय, सोमोश्याची चवही वेगळी लागली. यामुळे सामोसा उघडून पाहिल्यानंतर त्यामुध्ये चक्क साबणाची वडी आढळून आली.

Video: भयानक अपघात; दुचाकीचे तुकडे-तुकडे

इंदिरा गांधी मेडिकल कॉलेजच्या (IGMC) कँटीनमध्ये हा धक्कादायक प्रकार घडला आहे. सामोस्याचे छायाचित्र सोशल मीडियावर व्हायरल होत आहे. आयजीएमसीच्या कँटिनमध्ये डॉक्टर नाष्टा करण्यासाठी गेले होते. कॅंटीनमध्ये गरम सामोसे असल्यामुळे डॉक्टरांनी सामोसे खाण्यासाठी घेतले. एक डॉक्टर सामोसा खात असताना त्यांना वेगळीच चव लागायला लागली. त्यांनी समोसा उघडून बघितला तर त्यामध्ये चक्क साबणाची वडीच आढळली. यानंतर डॉक्टरांनी आयजीएमसीचे मेडिकल सुप्रिटेंडेंटकडे तक्रार केली.

Live Video: ट्रक आला वेगात अन् गेला वाहून पाण्यात

डॉक्टरांनी सांगितले की, इंदिरा गांधी मेडिकल कॉलेजच्या मेडिकलमध्ये अनेकदा अस्वच्छता असते. यापूर्वीही अस्वच्छतेबाबतचे प्रकार अनेकदा घडले आहेत. एकदा तर जेवणामध्ये झूरळ आढळले होते. चहामध्ये कचरा आढळून आला होता. पण, तक्रार केल्यानंतरही बदल घडलेला दिसत नाही. यावेळी तरी कँटिन चालकांवर कडक कारवाई व्हावी. देशात कोरोना व्हायरसचा धुमाकूळ सुरू असून, अशाप्रकारे खाद्यपदार्थ बनवताना हलगर्जीपणा केला जात असेल तर हा गंभीर प्रकार आहे.