ज्या 12 खासदारांची नावं चौकशीसाठी पाठवण्यात आली आहेत, त्यापैकी 9 काँग्रेस पक्षाचे (Congress Party) आणि तीन आम आदमी पक्षाचे आहेत.
अर्थसंकल्पीय अधिवेशनात (Budget Session) विरोधकांनी सभागृहात गोंधळ घातल्यानंतर, आता राज्यसभेचे सभापती 'या' खासदारांवर कारवाई करण्याच्या तयारीत आहेत.
राज्यसभेचे सभापती जगदीप धनखर (Jagdeep Dhankhar) यांनी 12 विरोधी खासदारांची नावं विशेषाधिकार समितीकडं पाठवली आहेत. या नेत्यांवर अर्थसंकल्पीय अधिवेशनात विशेषाधिकार भंगाचा आरोप आहे. ही समिती या आरोपांची चौकशी करून आपला अहवाल अध्यक्षांना सादर करेल, असं मानलं जात आहे.
संजय सिंह, शक्तीसिंह गोहिल, सुशील कुमार गुप्ता, संदीप कुमार पाठक, नाराभाई जे राठवा, सय्यद नासिर हुसेन, कुमार केतकर (Kumar Ketkar), इम्रान प्रतापगढ़ी, डॉ. एल हनुमंतय्या, फुलो देवी, जेबी माथेर आणि रंजीत रंजन आदी विरोधी पक्षांच्या खासदारांची चौकशी केली जाणार आहे.
ज्या 12 खासदारांची नावं चौकशीसाठी पाठवण्यात आली आहेत, त्यापैकी 9 काँग्रेस पक्षाचे (Congress Party) आणि तीन आम आदमी पक्षाचे आहेत. आपचे खासदार संजय सिंह म्हणाले, 'आम्ही विशेषाधिकाराचा भंग म्हणता येईल असं काहीही केलेलं नाही. आम्ही फक्त सत्य सांगितलं. कोट्यवधी रुपयांचा घोटाळा उघडकीस आणला, जो सर्वसामान्य जनतेसोबत झाला आहे. नोटीस आल्यावर आम्ही त्याला उत्तर देऊ.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.