अहमदाबाद (गुजरात): टीक-टॉक व्हिडिओ बनविल्यानंतर पोलिस दलातून निलंबित करण्यात आले होते. पण, तिचा एक नवीन अल्बम बाजारात आला असून, ति स्टार बनली आहे. अल्पिता चौधरी असे या महिला पोलिसाचे कर्मचाऱ्याचे नाव आहे.
अल्पिता चौधरी या मेहसाणा जिल्ह्यातील पोलिस ठाण्यात कर्तव्य बजावत होत्या. पोलिस चौकीमध्ये त्यांनी टीक-टॉकवर व्हिडिओ बनवून शेअर केला होता. यामुळे त्यांच्यावर निलंबनाची कारवाई करण्यात आली होती. आंतरराष्ट्रीय महिला दिनी अल्पिताचा ‘कच्ची कैरी, पकी कैरी’ हा नवा अल्बम बाजारात आला आणि त्या स्टार बनल्या. गुजराती गायक जिग्नेश कविराज सोबतचा तिचा ‘टिक टॉक नी दिवानी’ हा पहिला व्हिडीओ सप्टेंबरमध्ये रिलीज झाला. त्यानंतर तिने दोन धार्मिक व्हिडीओ अल्बमसाठी गायन केले आहे.
अल्पीता म्हणाल्या, 'टीक-टॉकचा व्हिडिओ व्हायरल झाल्यानंतर मला निलंबीत करण्यात आले होते. कारवाई झाल्यानंतर पुन्हा सेवेत असून, सध्या मेहसानाच्या कादी पोलिस ठाण्यात ड्युटीवर आहे. अल्बम बाजारामध्ये आल्यानंतर मला अनेक चित्रपटांमध्ये काम करण्याच्या ऑफर येत आहेत. पण, वरिष्ठांची परवानगी मिळणे आवश्यक आहे. अभिनेत्री, मॉडेल, गायिका होणे हे माझे बालपणापासूनचे स्वप्न होते. पण, माझे वडील पोलिस दलात होते. त्यांना मला पोलिस झालेले पाहायचे होते. मी त्यांची इच्छा पूर्ण केली व पोलिस दलात 2016 मध्ये रुजू झाले. दुसऱ्या स्वप्नासाठी पहिल्यावर पाणी सोडणे मला योग्य वाटत नाही. सध्या काम सांभाळून गायन, नृत्याची आवड जोपासत आहे.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.