नवी दिल्ली : राजधानी दिल्लीत डिसेंबर, 2012 ला धावत्या बसमध्ये एका मेडिकलच्या विद्यार्थिनीवर सामूहिक बलात्कार करण्यात आला. यामुळे देशात संतापाची लाट पसरली होती. त्यानंतर शेकडो लोकांनी रस्त्यावर उतरत तीव्र निषेध केला. यातील दोषींना फाशीची शिक्षा मिळणार हे निश्चित झाले आहे. मात्र, त्यांना फाशी देण्यासाठी तिहार कारागृह प्रशासनाकडे जल्लाद उपलब्ध नसल्याची धक्कादायक माहिती समोर आली आहे.
दिल्लीतील निर्भया बलात्कार प्रकरणानंतर अनेक बलात्कार प्रकरणं समोर आली आहेत. त्यातच काही दिवसांपूर्वी हैदराबादमध्ये डॉक्टर असलेल्या तरुणीवर सामूहिक बलात्कार करण्यात आला. या निर्घृण प्रकारानंतर देशभरातून निषेध व्यक्त केला जात आहे. त्यातच आता दिल्लीतील बलात्कार प्रकरणानंतर या दोषींना फाशी देण्यासाठी जल्लाद नसल्याचे उघड झाले आहे. यातील दोषींना एका महिन्याच्या आत फाशीची शिक्षा सुनावली जाऊ शकते. न्यायालयाकडून ब्लॅक वॉरंट जारी केल्यानंतर या सर्व दोषींना केव्हाही फाशी दिली जाऊ शकते.
गंभीर घटनांमध्येच फाशी
आपल्या कायद्यानुसार अत्यंत घृणास्पद आणि गंभीर प्रकरणातच फाशीची शिक्षा सुनावली जाते. त्यामुळे सामान्यत: जल्लादची गरज पडत नाही. तसेच या पदासाठी स्थायी कर्मचाऱ्यांची नेमणूक करणे कठीण होते, अशी माहिती कारागृह प्रशासनाच्या एका अधिकाऱ्याने दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.