इंदूर : एका महिलेने नऊ वर्षांच्या दत्तक घेतलेल्या मुलीच्या गुप्तांगावर डाग (Torture) पडले. कारण, ती रात्री झोपताना पलंग ओला करायची. मुलीची स्थिती पाहता दत्तक घेणारी महिला अत्यंत विकृत मानसिकतेची असल्याचे लक्षात येते. तिने क्रौर्याच्या मर्यादा ओलांडल्याचे पोलिस अधिकाऱ्याने सोमवारी सांगितले. ही घटना मध्य प्रदेशातील इंदूरमध्ये घडली.

रात्री झोपताना अंथरूण ओले केल्यामुळे शिक्षेच्या नावाखाली ४० वर्षीय महिलेच्या कथित अत्याचाराला बळी पडलेल्या मुलीला रुग्णालयात दाखल करण्यात आले. तसेच महिलेविरुद्ध एफआयआर नोंदवण्यात आला आहे. आरोपी महिला पीडित मुलीची जवळची नातेवाईक आहे. तिच्या कुटुंबीयांनी मुलीला दत्तक घेतले होते, असे एमआयजी पोलिस स्टेशनचे प्रभारी अजय वर्मा यांनी सांगितले.

आरोपी महिलेला अद्याप औपचारिकरीत्या अटक करण्यात आलेली नाही. मुलीच्या गुप्तांगावर जळत्या वस्तूने जाळल्यामुळे गंभीर जखमा झाल्या आहेत. तिच्या डोक्यावरील काही केस उपटले आहेत. तिच्या शरीरावर नखांच्या खुणा (Torture) आहेत, असे बाल कल्याण समितीच्या अध्यक्ष पल्लवी पोरवाल यांनी सांगितले.

पोलिसांनी महिलेविरुद्ध सौम्य कलमांतर्गत एफआयआर नोंदवला आहे. या प्रकरणात बालकांचे लैंगिक अपराधांपासून संरक्षण कायदा (POCSO) आणि इतर गंभीर तरतुदी जोडल्या पाहिजेत, असे बाल कल्याण समितीच्या अध्यक्ष पल्लवी पोरवाल म्हणाल्या. एमआयजीचे एसएचओ वर्मा म्हणाले की, मुलीचे वक्तव्य व उपचार करणाऱ्या डॉक्टरांच्या अहवालाच्या आधारे एफआयआरमध्ये योग्य ती कलमे जोडली जातील.