प्रेयसीच्या 'त्या' सवयीला खूप कंटाळलो होतो...
जयपूर (राजस्थान): विवाहीत महिलेचे आणि माझे अनेक दिवसांपासून अनैतिक संबंध होते. पण, तिच्या सवयीला कंटाळून तिचा खून केला, अशी माहिती प्रियकराने पोलिसांना दिली.
एका विवाहीत महिलेचा मृतदेह आढळून आला होता. याबाबत तिच्या भावाने खूनाचा गुन्हा दाखल केला होता. पोलिसांनी चौकशी सुरू केल्यानंतर तिचे एका युवकासोबत प्रेमसंबंध असल्याची माहिती मिळाली. पोलिसांनी सुरेश जाट याला ताब्यात घेतल्यानंतर त्याने खुनाची कबुली दिली. सुरेशसह त्याचा मित्र नानूराम लुहार याला अटक केली असून, पुढील तपास सुरू आहे.
सुरेशने चौकशीदरम्यान सांगितले की, पांची दिवी आणि माझ्यात अनैतिक संबंध होते. परंतु, ती सतत पैशांची मागणी करत असायची. अनेकांकडून पैसे घेऊन तिला दिले पण तिची मागणी थांबतच नव्हती. तिच्या या सवईला कंटाळलो होतो. मग तिचा खून करण्याचे ठरवले. मदतीसाठी नानूरामची मदत घेतली. प्रथम उंदीर मारण्याचे औषध दिले आणि त्यानंतर गळा दाबून खून केला आणि मृतदेह नाल्यात फेकून दिला.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.