विजयवाडा ( आंध्र प्रदेश ) : देशात कोरोना व्हायरसमुळे लॉकडाऊनची घोषणा करण्यात आली आहे. लॉकडाऊनदरम्यान अनेकजण घरामध्ये अडकून पडले आहेत. वेळ घालवण्यासाठी घरगुती खेळांकडे वळताना दिसतात. मात्र, येथील मित्रांना पत्ते खेळण्याचा मोह महागात पडला आहे. तब्बल 24 मित्रांना कोरोना व्हायरसची लागण झाली आहे.
विजयवाडा येथे लॉकडाऊनमुळे कंटाळलेले काही मित्र आणि शेजाऱ्यांनी विरंगुळ्यासाठी पत्त्यांचा डाव मांडला. मात्र, हा डाव या या सर्वांनाच महागात पडला. पत्ते खेळणाऱ्यांपैकी 24 जणांना कोरोनाची लागण झाली. कृष्णा जिल्ह्याचे जिल्हाधिकारी मोहम्मद इम्तियाज यांनी सांगितले की, विजयवाडामध्ये गेल्या काही दिवसांत एकूण 40 जणांना कोरोनाची लागण झाली आहे. शहरातील कृष्ण लंका परिसरात ट्रकचालक मित्र आणि शेजारी एकत्रित पत्ते खेळत होते. महिला घोळका करून तंबोला खेळत होत्या. यावेळी नियमांचे पालन न केल्यामुळे 24 जणांना कोरोनाची लागण झाली. कर्मिकानगर येथे एका ट्रकचालकाने फिजिकल डिस्टंसिंगचे पालन न केल्याने 15 जणांना कोरोनाची लागण झाली.
दरम्यान, विजयवाडा येथे आतापर्यंत कोरोनाचे सुमारे 100 रुग्ण सापडले आहेत. सोशल डिस्टंसिंगचे योग्य प्रकारे पालन न होणे हे कोरोनाचा संसर्ग वाढण्यामागचे कारण असल्याचे जिल्हाधिकाऱ्यांनी म्हटले आहे. सोशल डिस्टंसिंगचे पालन करण्याचे आवाहन त्यांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.