सेल्फी फोटो काढण्याची मोठी क्रेझ गेल्या काही दिवसांपासून सोशल मिडिया युजर्सला आहे. लहान मुलांपासून ते अगदी वयोवृद्धांपर्यंत सेल्फीची मोठी क्रेझ आहे. बाजारात कोणताही नवा फोन येतो तेव्हा तो त्याच्या सेल्फी कॅमेऱ्यावरूनच हीट किंवा फ्लॉप ठरतो. मात्र त्यानंतर सेल्फी घेण्याच्या नादात अनेकांनी आपली जीव गमावल्याचं पाहायला मिळतंय. पश्चिम बंगालमध्येही अशीच एक घटना घडली असून, रेल्वे रुळावर सेल्फी काढणं दोघांच्या जीवावर बेतलं आहे. (Two people killed while clicking selfies in West Bengal)

काही जण रेल्वे रुळाच्या पुलावर सेल्फी काढत असताना अचानक मागून रेल्वे आली आणि मोठा अपघात घडला. सेल्फी घेण्यासाठी रेल्वे रुळाजवळ उभ्या असलेल्या या तिघांना रेल्वे आल्याचा अंदाजच आला नाही, आणि काही समजण्याच्या आत मागून रेल्वे आणि ते चिरडले गेले. या घटनेत दोघांचा मृत्यू झाला तर एक जण जखमी झाला आहे.