जम्मू आणि काश्मिर : सोमवारी दुपारपासून जम्मू आणि काश्मिरमधील शोपियां जिल्ह्यात अतिरेक्यांचे सर्च ऑपरेशन सुरु होतं. या सर्च ऑपरेशनमध्ये आतापर्यंत दोन अतिरेक्यांचा खात्मा करण्यात आला आहे, अशी माहिती भारतीय लष्कराच्या प्रवक्त्यांनी आज मंगळवारी दिली आहे. ही मोहीम भारतीय सैन्य आणि सीआरपीएफच्या जवानांनी एकत्रितपणे राबवली आहे. ऑपरेशन अंतर्गत आज दुसरा अतिरेकी मारला गेला आहे.
या भागात अतिरेकी लपून बसल्याची माहिती सैन्याला मिळाली होती. ही माहिती मिळताच सैन्याने अतिरेक्यांचे सर्च ऑपरेशन सुरु केले. अधिकाऱ्यांनी या सर्च ऑपरेशनविषयी माहिती देताना म्हटलं की झेनपोराच्या मेल्होरा या भागात अतिरेकी असल्याची माहिती मिळताच सैन्याने या भागाला घेराव घालत सर्च ऑपरेशन सुरु केलं आणि मग या कारवाईस सुरवात झाली. या अतिरेक्यांनी सुरक्षा अधिकाऱ्यांवरही गोळीबार केला. या चकमकीत सैन्याने अतिरेक्यांचा एन्काऊंटर केला आहे. काल एका अतिरेक्याला मारल्यानंतर आज एका अतिरेक्याला मारण्यात सैन्याला यश आलं आहे.
अधिकाऱ्यांच्या म्हणण्यानुसार, यातील एक अतिरेकी काल सोमवारी मारला गेला आहे. या मोहिमेत सुरक्षा अधिकाऱ्यांनी एक AK असॉल्ट रायफल आणि एक पिस्तूल हस्तंगत केले आहे. हे ऑपरेशन आता संपुष्टात आले आहे, असं सैन्याच्या प्रवक्त्यांनी सांगितलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.