गाझीपूर : कपिल देव सिंह यांची हत्या आणि मीर हसन यांच्यावर जीवघेणा हल्ला केल्याप्रकरणी गँगस्टर आणि नंतर उत्तर प्रदेशचा आमदार बनलेला कुख्यात गुंड मुख्तार अन्सारी याला गाझिपूर कोर्टानं शुक्रवारी १० वर्षांची तुरुंगवासाची शिक्षा सुनावली.

तसेच ५ लाख रुपयांचा दंड ठोठावण्यात आला आहे. गँगस्टर अँक्ट अंतर्गत त्याच्यावर करावाई करण्यात आली आहे. तसेच त्याचा जवळचा सहकारी सोनू यादव याला ५ वर्षांचा तुरुंगवास आणि २ लाख रुपयांचा दंड ठोठावण्यात आला आहे. (Uttar Pradesh Politition Mukhtar Ansari jailed for 10 years in Gangster Act case)

मी तर तुरुंगात होतो - अन्सारी

अन्सारी या प्रकरणात दोषी ठरल्यानंतर त्यानं आपले वकील अॅड. लियाकत यांच्यामार्फत कोर्टात आपली बाजू मांडताना सांगितलं की, या प्रकरणाशी माझा संबंध नाही. मी २००५ पासून तुरुंगात आहे. आम्ही हायकोर्टात या शिक्षेविरोधात अपिल करणार आहोत. त्या ठिकाणी आम्हाला न्याय मिळेल अशी अपेक्षा आहे. (Latest Marathi News)

काय आहे प्रकरण?

सन २००९ मध्ये कपिल देव सिंह यांची हत्या तसेच मीर हसन या व्यक्तीवर हल्ला केल्याप्रकरणी मुख्तार अन्सारीवर गुन्हा दाखल झाला होता. पण नंतर २०११ आणि २०२३ मध्ये अन्सारीला या दोन्ही खटल्यात कोर्टानं दोषमुक्त ठरवलं होतं. (Marathi Tajya Batmya)

दरम्यान, याच वर्षी एप्रिल महिन्यात अन्सारीला १९९६ मध्ये विश्व हिंदू परिषदेचे नेते नंदकिशोर रुंगटा आणि २००५ मध्ये भाजप आमदार कृष्णानंद राय यांच्या हत्या प्रकरणात १० वर्षांची सक्तमजुरीची शिक्षा झाली होती.