Viral Video: जगभरात आजचा दिवस हा व्हँलेटाईन डे (Valentine Day) म्हणून उत्साहात साजरा केला जातो. केवळ तरुण तरुणीच नाहीतर आबालवृद्धांमध्ये देखील आजच्या दिवसाचं महत्व आहे. आपल्या (Social Media News) आवडत्या व्यक्तीला या दिवशी तिच्या किंवा त्याच्याबद्दलच्या भावना व्यक्त करणं, ते व्यक्त करुन त्याच्याप्रती प्रेम जाहीर करणं ही त्या दिवसामागील भावना आहे. काहींचा या दिवसाला विरोध असल्याचे दिसून आले आहे. सध्या आग्र्यातील घटनेनं सोशल मीडियावरुन लक्ष वेधून घेतलं आहे. त्यामध्ये व्हँलेटाईनच्या दिवशी त्याच्या पुतळ्याला प्रतिकात्मक फाशी दिल्याचे दिसून आले आहे. काही संघटनांनी त्याला विरोध केला आहे. Valentine Day special agra protest hang video viral

जगभरामध्ये व्हँलेटाईन डे (Valentine Day) उत्साहात साजरा केला जातो. तो साजरा करताना त्याच्यासाठी वेगवेगळ्या प्रकारच्या कल्पनाही पुढे येतात. मात्र हा दिवस अनेकांच्या नाराजीचा असल्याचे दिसून आले आहे. भारतात काही धार्मिक संघटनेच्या लोकांनी या डे ला विरोध केला आहे. त्यासाठी त्यांनी व्हँलेटाईनचा प्रतिकात्मक पुतळा तयार करुन त्याला आग्र्याच्या भरचौकात फाशी दिली आहे. सध्या सोशल मीडियावर तो फोटो मोठ्या प्रमाणात व्हायरल झाला आहे. त्याला नेटकऱ्यांच्या वेगवेगळ्या प्रतिक्रिया देखील आल्या आहेत. आग्रा शहरात ताजमहाल आहे. जे प्रेमाचे प्रतिक असल्याचे सांगितले जाते.

सोशल मीडियावर एक व्हिड़िओ ट्रेंड होतो आहे. त्या व्हिडिओमध्ये एका पुतळ्याला फाशी दिल्याचे दिसून येते. त्या पुतळ्याच्या खाली व्हँलेटाईन असे लिहिले आहे. तसेच जो जमाव त्या घटनेत सहभागी झाला आहे तो जय श्रीरामच्या नावाचे नारे देताना दिसत आहे. याप्रसंगी एका व्यक्तीनं सांगितलं की, काल रात्री आम्ही व्हँलेटाईनला पकडलं होतं. त्यानं आम्हाला सांगितलं की भारताचा नाही तर विदेशातील आहे. माझं नाव व्हँलेटाईन आहे. अशा प्रकारची प्रतिकात्मक प्रतिक्रिया त्या व्यक्तीनं दिली आहे. हिंदूत्ववादी संघटनांनी व्हँलेटाईन डे ला विरोध केला आहे. यामध्ये बजरंग दलाच्या कार्यकर्त्यांनी बागेत फिरणाऱ्या आणि बसणाऱ्या जोडप्यांचे त्या पार्कमध्येच लग्न लावून देण्याचे सांगितले आहे.