कानपूरमध्ये 2 जुलैच्या रात्री जेसीबीच्या साहाय्याने पोलिसांचा रस्ता रोखणाऱ्या ड्रायव्हरला अटक करण्यात आली आहे. पोलिस कारवाईत खात्मा करण्यात आलेल्या प्रेम प्रकाश पांड्ये आणि विकास दुबेच्या संपर्कात होतो, असे त्यांनी चौकशीदरम्यान कबुल केले आहे. जेसीबीने पोलिसांच्या वाटेत अडथळा निर्माण केल्यानंतर आज एक वेगळा नजारा पाहायला मिळेल, असे विकास दुबे म्हणाला होता, अशी माहितीही त्याने पोलिसांना दिली. 2 जुलैच्या रात्री उत्तर प्रदेशात दहशत निर्माण करणाऱ्या विकास दुबेच्या टोळीने घरी पकडण्यासाठी आलेल्या पोलिस पथकावर गोळीबार केला होता. यात एका अधिकाऱ्यासह 8 जण मृत्यूमुखी पडले होते. पोलिसांवर हल्ला करणाऱ्या विकास दुबेचा पोलिसांनी एन्काउंटरमध्ये खात्मा केला होता. या प्रकरणात संबंधित असणाऱ्यांचा पोलिस अद्यापही शोध घेत असून या घटनेमध्ये पोलिसांचा रस्ता अडवणाऱ्या जेसीबी ड्रायव्हरला पोलिसांनी ताब्यात घेतले आहे. 

कोरोनाच्या संसर्गाचा उच्चांक; देशातील बाधितांची संख्या दहा लाखांवर

नारेपुरवा शिवलीचा रहिवाशी असलेल्या राहुलने पोलिसांना दिलेल्या माहितीनुसार, प्रेम प्रकाश पांड्येने त्याच्याकडे गावातील जंगल परिसरातील झाडे तोडण्याचे काम दिले होते. विकास दुबेला या जमीनीवर कब्जा करायचा होता.  याठिकाणच्या बऱ्याच भाग विकास दुबेने बळकावलाही होता. ज्यादिवशी कानपूरमध्ये पोलिसांवर गोळीबाराची घटना घडली त्यावेळी त्यावेळी सायंकाळच्या दरम्यान प्रेम प्रकाशसोबत राहुल जंगलातील झाडे तोडण्याचे काम करत होता. रात्री 9 वाजता विकास दुबेने प्रेम प्रकाशला कॉल केला होता. प्रशासनाकडून गोळीबार करण्यात येणार असल्याची माहिती विकासने दिली.

भारतात गरीबी कमी झाली; संयुक्त राष्ट्राचा अहवाल

त्यानंतर जेसीबी घेऊन घराजवळ येण्याचे राहुलला सांगण्यात आले होते. जेसीबी दरवाजासमोर लावून जात असताना विकास दुबेने थांबण्यास सांगितले. पोलिस येताच त्यांनी गोळीबार करण्यास सुरुवात केली, अशी माहिती राहुलने दिली आहे. बिकरु पोलिस गोळीबाराच्या प्रकरणात गुन्हा नोंद करण्यात आले तेव्हा जेसीबी ड्रायव्हरचे नाव मोनू असे नोंदवण्यात आले होते. या प्रकरणाची चौकशीनंतर राहुलचे नाव समोर आले होते.