भोपाळ (मध्य प्रदेश): देशात लॉकडाऊनदरम्यान पोलिसांवर होणाऱया हल्ल्याचे प्रमाण दिवसेंदिवस वाढताना दिसत आहे. एका संशयित आरोपीने चौकीतच पोलिसाचा कान कापल्याची घटना येथे घडली. यानंतर पळून गेलेल्या संशयिताला अटक करण्यात आली आहे.
अशोकनगरमधील बहादूरपूर पोलिस चौकीत ही घटना घडल्यामुळे खळबड उडाली आहे. प्रसारमाध्यमांनी दिलेल्या वृत्तानुसार, कोरोना व्हायरसमुळे पोलिसांनी एकाला मास्क घालून चौकीत येण्यास सांगितले. पण, तो ऐकत नव्हता. काही वेळानंतर तो पुन्हा मास्क न घालताच चौकीत आला. पोलिस कर्मचारी शाहिद खान यांनी त्याला आतमध्ये येण्यास मज्जाव घातला. शिवाय, मास्क न घातल्यामुळे काही अंतरावरून बोलण्यास सांगितले. यामुळे चिडलेल्या युवकाने खिशातून चाकू काढून खान यांच्यावर हल्ला केला आणि कान कापला. यावेळी झालेल्या झटापटीत युवकाच्याही बोटाला दुखापत झाली. पण, हल्ल्यानंतर युवक पळून गेला.
पोलिसावर हल्ला झाल्याची माहिती समजताच घटनास्थळी पोलिसांची कुमक दाखल झाली. पोलिसांनी हल्ला करणाऱया युवकाला पकडले असून, अटक केली आहे. त्याने रागाच्या भरात हल्ला केल्याचे सांगितले. पोलिस पुढील तपास करत आहेत. पोलिस अधिकारी स्वाती गुप्ता यांनी सांगितले की, 'धीरा चक्र (वय 23) असे आरोपीचे आहे. युवक स्वभावाने विक्षिप्त असल्याची माहिती पुढे आली आहे. याबाबत पुढील माहिती घेत आहोत.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.