AIIMS Nagpur Recruitment 2021 : पुणे : अखिल भारतीय आयुर्विज्ञान संस्था (AIIMS) नागपूरमध्ये फॅकल्टी ग्रुप-एच्या विविध विभागातील अनेक पदांवर थेट भरती करण्यात येत आहे. यासाठी इच्छुक उमेदवारांकडून अर्ज मागविण्यात आले आहेत. पात्र उमेदवारांची निवड झाल्यानंतर त्यांना सातव्या वेतन आयोगानुसार पगार मिळणार आहे. त्यामुळे इच्छुक उमेदवारांनी ई-मेलद्वारे ७ एप्रिल २०२१ पर्यंत तर पोस्टाद्वारे २२ एप्रिल २०२१ पर्यंत अर्ज करावेत.
खालील विभागांमध्ये होणार भरती
एम्स नागपूर भरती २०२१च्या अधिसूचनेनुसार, एंडोक्रिनोलॉजी, जनरल मेडिसिन, जनरल सर्जरी, मेडिकल ऑन्कोलॉजी, नियोनेटोलॉजी, न्यूरॉलॉजी, ऑप्थल्मोलॉजी, रेडियोडायग्नोसिस, सर्जिकल ऑन्कोलॉजी, रेडियोडायग्नोसिस, ऑर्थोपेडिक्स आणि ट्रॉमा अॅण्ड इमर्जन्सी या विभागात सहयोगी प्राध्यापक आणि सहाय्यक प्राध्यापक या पदांवर भरती करण्यात येणार आहे.
रिक्त पदांचा तपशील
या भरती प्रक्रियेद्वारे एकूण १७ पदे भरली जाणार आहेत. त्यात सहयोगी प्राध्यापकांच्या ५ तर सहाय्यक प्राध्यापकांच्या १२ रिक्त पदांचा समावेश आहे.
७व्या वेतन आयोगानुसार वेतनश्रेणी
सहयोगी प्राध्यापक पदासाठी ७व्या वेतन आयोगाच्या लेवल- १३ए१ नुसार १,३८,३०० ते २,०९,२०० रुपये वेतन आणि सहाय्यक प्राध्यापक पदासाठी लेवल- १२ नुसार १,०१,५०० ते १,६७,४०० रुपये आणि एनपीए (लागू असल्यास) सीपीसीसह सामान्य भत्ते मिळतील.
अर्ज शुल्क
'डायरेक्टर एम्स नागपूर' यांच्या नावाने उमेदवारांना डिमांड ड्राफ्टद्वारे २००० रुपये अर्जाचे शुल्क भरावे लागतील. तसेच अनुसूचित जाती/ जमाती प्रवर्गातील उमेदवारांसाठी अर्ज शुल्क ५०० रुपये आहे. अधिक माहितीसाठी बातमीच्या शेवटी दिलेल्या लिंकवर जाऊन सविस्तर अधिसूचना पाहू शकता.
असा करा अर्ज
अधिसूचना नीट वाचल्यानंतर उमेदवारांनी आवश्यक कागदपत्रांसह अॅप्लिकेशन फॉर्म पुढील पत्त्यावर पाठवावा.
पत्ता- एम्स नागपूर, प्रशासकीय ब्लॉक, प्लॉट नंबर २, सेक्टर २०, एमआयएचएएन, नागपूर- ४४११०८.
AIIMS Nagpur Recruitment 2021 Application Form साठी येथे ► क्लिक करा
अधिसूचना पाहण्यासाठी येथे ► क्लिक करा
अधिकृत वेबसाईटला भेट देण्यासाठी येथे ► क्लिक करा
- एज्युकेशन जॉब्ससंबंधी बातम्या वाचण्यासाठी येथे ► क्लिक करा
(Edited by: Ashish N. Kadam)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.