पुणे : दहावी उत्तीर्ण असलेल्या बेरोजगार आणि स्वयंरोजगार असलेल्या पात्र तरुण-तरुणींना शहरातील पश्‍चिम विभाग आणि ग्रामीण टपाल जीवन विमा योजनेसाठी एजंट म्हणून नेमण्यात येणार आहे. त्यासाठी अर्ज पाठविण्याची शेवटची तारीख 11 जानेवारी 2021 आहे. 

बेरोजगार, स्वयंरोजगारीत तरुण, सेवानिवृत्त सैनिक, पूर्वी विमा प्रतिनिधी म्हणून काम केलेल्या व्यक्ती, अंगणवाडी कर्मचारी, महिला मंडळ सदस्या, सेवानिवृत्त शिक्षक बचत गट प्रतिनिधी आणि वरील अटी पूर्ण करणाऱ्या इच्छुक व्यक्ती यांची नेमणूक मुलाखतीद्वारे करण्यात येईल.

- न्यूमोनियावर आली पहिली स्वदेशी लस; सिरमच्या 'न्यूमोसिल'चे आरोग्यमंत्र्यांच्या हस्ते अनावरण

इच्छुकांनी येत्या 11 जानेवारीपर्यंत चार फोटो, दहावी अथवा समतुल्य परीक्षेची मार्कलिस्ट, पॅनकार्ड, आधार कार्ड झेरॉक्‍ससह कागदपत्रे येथील कार्यालयात सकाळी दहा ते सायंकाळी साडेपाच या कार्यालयीन वेळेत प्रत्यक्ष जमा करावेत. अथवा येत्या 11 जानेवारीपर्यंत लोकमान्य नगर, पोस्ट कार्यालय, शास्त्री रस्ता, दांडेकर पुलाजवळ, पुणे -411030 या पत्त्यावरील पोस्ट कार्यालयात कागदपत्रे प्राप्त होतील असे पाठवावेत. मुलाखतीस येताना उमेदवारांनी संबंधित मूळ कागदपत्रांसह उपस्थित राहावे, असे आवाहन पुणे शहर पश्‍चिम विभागाचे डाकघर अधीक्षक यांनी केले आहे. 

- 2021ला पृथ्वी होणार नष्ट; नॉस्ट्रेडॅमसची भविष्यवाणी ठरणार खरी?

पात्रता : 
- उमेदवार इयत्ता दहावी अथवा समतुल्य परीक्षा उत्तीर्ण असावा. 
- उमेदवाराचे वय 18 ते 50 वर्षादरम्यान असावे. 
- संगणकाचे आणि स्थानिक ठिकाणाचे ज्ञान असावे. 
- इतर कोणत्याही कंपनीचा आयुर्विमा व्यवसाय करीत नसावा. 
- उत्तीर्ण उमेदवारास पाच हजार रुपये सिक्‍युरीटी डिपॉजिट ठेवणे बंधनकारक 
- उमेदवारास अतिरिक्त प्रशिक्षण दिल्यानंतर परवाना मिळण्यासाठी परीक्षा उत्तीर्ण होणे अनिवार्य

- CBSE बोर्डच्या विद्यार्थ्यांनो, परीक्षांच्या तारखा गुरुवारी होणार जाहीर!​

अधिक माहितीसाठी संपर्क : 
सागर पिंगळे, वरिष्ठ विकास अधिकारी 
मोबाईल क्रमांक - 9404962305 किंवा
कार्यालयीन पत्ता - लोकमान्य नगर, पोस्ट कार्यालय, शास्त्री रस्ता, दांडेकर पुलाजवळ, पुणे - 411030 

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)