मुंबई : संरक्षण संशोधन विकास संस्थेने (DRDO) भरती अधिसूचना प्रसिद्ध केली आहे. अधिसूचनेनुसार, या मोहिमेत एकूण १०० पदांची भरती केली जाईल.

यासाठी उमेदवार संरक्षण संशोधन विकास संस्थेच्या अधिकृत वेबसाइट drdo.gov.in वर जाऊन अर्ज करू शकतात. या मोहिमेची भरती प्रक्रिया सुरू झाली असून अर्ज करण्याची अंतिम तारीख ३० मे निश्चित करण्यात आली आहे.

या मोहिमेद्वारे DRDO मध्ये एकूण १०० पदांची भरती केली जाणार आहे. यामध्ये पदवीधर अभियंता अप्रेंटिसच्या ५० पदे, डिप्लोमा अप्रेंटिसच्या २५ पदे आणि आयटीआय शिकाऊ उमेदवाराच्या २५ पदांचा समावेश आहे. भरतीसाठी अर्ज करणारे उमेदवार पदवीधर, डिप्लोमा आणि आयटीआय पास असावेत.

पदनिहाय शैक्षणिक पात्रता

पदवीधर अभियंता शिकाऊ : या पदासाठी अर्ज करण्यासाठी, उमेदवाराने किमान 6.3 CGPA सह मान्यताप्राप्त भारतीय विद्यापीठ/संस्थेतील संबंधित विषयातील प्रथम श्रेणी अभियांत्रिकी पदवी प्राप्त केलेली असणे आवश्यक आहे.

डिप्लोमा अप्रेंटिस : या पदासाठी, उमेदवाराने राज्य तंत्रशिक्षण मंडळ/मान्यताप्राप्त भारतीय विद्यापीठातून संबंधित विषयात ६०% गुणांसह अभियांत्रिकीमधील पहिली श्रेणी डिप्लोमा उत्तीर्ण केलेला असावा.

ITI शिकाऊ उमेदवार : राज्य/भारत सरकारद्वारे मान्यताप्राप्त संस्थेतून ६०% गुणांसह संबंधित ट्रेडमध्ये उमेदवार १ली श्रेणी ITI पास असणे आवश्यक आहे.

स्टायपेंड किती असेल

पदवीधर अभियंता अप्रेंटिस : १२ हजार रुपये प्रति महिना

डिप्लोमा अप्रेंटिस : ११ हजार रुपये प्रति महिना

आयटीआय शिकाऊ : १० हजार रुपये प्रति महिना

महत्त्वाच्या तारखा

ऑनलाइन अर्ज सुरू करण्याची तारीख : २० मे २०२३

ऑनलाईन अर्ज करण्याची शेवटची तारीख : ३० मे २०२३