सोलापूर : इंडियन ऑइल कॉर्पोरेशन लिमिटेड (Indian Oil Corporation Limited - IOCL) ने टेक्‍निकल आणि नॉन-टेक्‍निकल अप्रेंटिस पदांसाठी इच्छुकांकडून अर्ज मागवले आहेत. इच्छुक आणि पात्र उमेदवार IOCL च्या अधिकृत वेबसाइट iocl.com वर अर्ज करू शकतात. ऑनलाइन अर्ज करण्यासाठी उमेदवारांना अधिकृत वेबसाइटवर लॉग इन करावे लागेल. अर्ज भरण्याची शेवटची तारीख 4 डिसेंबर 2021 आहे. IOCL ने जारी केलेल्या अधिसूचनेनुसार, या भरती मोहिमेद्वारे पश्‍चिम बंगाल, बिहार, ओडिशा, झारखंड आणि आसामसह पूर्व भारतीय राज्यांमध्ये 527 रिक्त जागा भरल्या जातील.

रिक्त जागांचा तपशील

• पश्‍चिम बंगाल : 236

• बिहार : 68

• ओरिसा : 69

• झारखंड : 35

• आसाम : 119

असा करा ऑनलाइन

IOCL ची अधिकृत वेबसाइट iocl.com वर भेट द्या. होम पेजवरील करिअर टॅबवर क्‍लिक करा. स्क्रीनवर एक नवीन पेज प्रदर्शित होईल. अप्रेंटिसशिप लिंकवर क्‍लिक करा. 'IOCL ईस्टर्न रिजनमधील टेक्‍निकल आणि नॉन-टेक्‍निकल अप्रेंटिससाठी अर्ज करा' या लिंकवर क्‍लिक करा. अर्ज भरा आणि सबमिट करा. भविष्यातील संदर्भासाठी त्याची हार्ड कॉपी तुमच्याकडे ठेवा.

वयोमर्यादा

टेक्‍निकल अप्रेंटिस आणि नॉन-टेक्‍निकल अप्रेंटिसच्या पदांसाठी अर्ज करणाऱ्या सामान्य आणि EWS श्रेणीसाठी, उमेदवारांचे वय 31 ऑक्‍टोबर रोजी 18 ते 24 वर्षांच्या दरम्यान असावे. सरकारी मार्गदर्शक तत्त्वानुसार SC / ST / OBC (NCL) / PWBD उमेदवारांसाठी वयोमर्यादेत सवलत असेल.

19 डिसेंबरला होईल लेखी परीक्षा

टेक्‍निकल अप्रेंटिस आणि नॉन टेक्‍निकल अप्रेंटिसच्या पदांसाठी अर्ज करणाऱ्या उमेदवारांना लेखी परीक्षेला बसावे लागेल. लेखी परीक्षा 19 डिसेंबर रोजी तात्पुरती घेतली जाईल. तथापि, तारीख बदलू शकते. या भरती प्रक्रियेशी संबंधित अधिक माहितीसाठी उमेदवारांना अधिकृत वेबसाइटला भेट द्यावी लागेल.