मुंबई : सेंट्रल बँक ऑफ इंडिया (CBI) ने मुख्य आणि वरिष्ठ व्यवस्थापक पदांसाठी भरती सुरू केली आहे. या भरतीद्वारे एकूण २५० पदे भरली जातील. (recruitment in central bank of india)

व्यवस्थापक पदांच्या भरतीसाठी इच्छुक असलेले उमेदवार Centralbankofindia.co.in या अधिकृत वेबसाइटला भेट देऊन अर्ज करू शकतात. या भरतीसाठी अर्ज करण्याची अंतिम तारीख ११ फेब्रुवारी २०२३ आहे. हेही वाचा - 'पठाण'..आणि २०२३ मधले बाॅलीवूड..कसे असतील दिवस

रिक्त जागांचा तपशील

एकूण पदे - २५०

मुख्य व्यवस्थापक - 50 पदे

वरिष्ठ व्यवस्थापक - 200 पदे

महत्वाची तारीख

ऑनलाइन अर्ज करण्याची तारीख - 27 जानेवारी 2023

अर्ज करण्याची शेवटची तारीख - 11 फेब्रुवारी 2023

शैक्षणिक पात्रता

ज्या उमेदवारांना या पदांसाठी अर्ज करायचा आहे त्यांनी कोणत्याही मान्यताप्राप्त संस्थेतून पदवीधर असणे आवश्यक आहे. यासोबतच उमेदवाराला पुरेसा अनुभव असणे देखील आवश्यक आहे, ज्याचा तपशील भरतीच्या अधिसूचनेत दिलेला आहे.

वय मर्यादा

दोन्ही पदांसाठी अर्ज करणाऱ्या उमेदवारांची वयोमर्यादा स्वतंत्रपणे दिली आहे. यासोबतच राखीव प्रवर्गातील उमेदवारांना वयात सवलत दिली जाईल याची नोंद घ्यावी.

अर्ज शुल्क

व्यवस्थापक पदांसाठी अर्ज करणाऱ्या सामान्य श्रेणीतील उमेदवारांना अर्ज फी म्हणून 850 रुपये भरावे लागतील, तर SC, ST आणि महिला उमेदवारांना कोणतेही शुल्क भरावे लागणार नाही.

निवड प्रक्रिया

सेंट्रल बँक ऑफ इंडियाच्या या भरतीसाठी निवड होण्यासाठी, उमेदवारांना ऑनलाइन लेखी चाचणी आणि मुलाखतीच्या प्रक्रियेतून जावे लागेल.