बंगळूरु : कर्नाटक राज्यातील एसएसएलसी परीक्षेचा (SSLC Exam) निकाल आज जाहीर झाला असून संपूर्ण राज्याचा निकाल 85.53 टक्के लागला आहे. शिक्षणमंत्री बी. सी. नागेश (Minister of Education B. C. Nagesh) यांनी बंगळूरु (Bangalore) इथं पत्रकार परिषद घेऊन निकाल जाहीर केलाय.

दरम्यान, राज्यातील एकूण 8 लाख 53 हजार 436 विद्यार्थ्यांनी परीक्षा दिली होती. त्यामधील 7 लाख 70 हजार 81 विद्यार्थी उत्तीर्ण झाले आहेत. यामध्ये 3 लाख 58 हजार 602 विद्यार्थी, तर तीन लाख 72 हजार 179 विद्यार्थिनींचा समावेश आहे.

एकूण 81.30 टक्के विद्यार्थी तर 90.29 टक्के विद्यार्थिनी उत्तीर्ण झाल्या आहेत. या निकालात बेळगाव (Belgaum) आणि चिकोडी जिल्ह्याचा 'ए' ग्रेड मध्ये समावेश आहे. राज्यात 145 विद्यार्थ्यांनी 625 पैकी 625 गुण प्राप्त केले आहेत.