Manipur Assembly Election 2022: मणिपूरच्या तामेई विधानसभा सीटसाठी (Tamei Legislative Assembly Seat), 1967 पासून एकूण 12 निवडणुका झाल्या आहेत, ज्यामध्ये काँग्रेस पक्षाने 4 वेळा या सीटवर बाजी मारली आहे तर विशेष म्हणजे अपक्ष उमेदवारांनी तामेईची सीट सर्वाधिक ६ वेळा जिंकली आहे. त्यामुळे इथे सर्वाधिक अपक्षाचे वर्चस्व असल्याचे स्पष्ट होते.

तामेई विधानसभेची सीट तामेंगलाँग जिल्ह्यांतर्गत येते. ही सीट अनुसूचित जमातीसाठी (ST) राखीव आहे. तामेई सीटसाठी दुसऱ्या टप्प्यात ३ मार्च रोजी निवडणूक होणार आहे. २०१२ च्या विधानसभा निवडणुकीत या जागेवरून काँग्रेसचे उमेदवार किखओनबाओ न्यूमाई (Kikhonbou Newmai) निवडून आले होते. तर नागा पीपल्स फ्रंटच्या अवांगबो न्यूमाई (Awangbow Newmai) यांनी 2017 च्या विधानसभा निवडणुकीत विजय मिळवला होता. उल्लेखनीय म्हणजे 2007 च्या निवडणुकीत अवांगबो नुमाई या जागेवरून अपक्ष आमदार म्हणून निवडून आले होते. त्यामुळे २०२२ च्या विधानसभा निवडणूकीमध्ये या जागेवर आपले वर्चस्व प्रस्थापित करण्यासाठी भाजपला तारेवरची कसरत करावी लागणार आहे.