Chicken Masala Fry Recipe : जगात काही लोक केवळ चिकन लव्हर असतात. अगदी मध्यरात्री देखील ते चिकन खायला तयार असतात. अशाच चिकन प्रेमींसाठी आम्ही आज चिकनची हटके रेसिपी घेऊन आलो आहोत. बऱ्याचवेळा चिकन सुक्का, चिकन ६५ खाऊन कंटाळला असाल तर चिकन फ्राय घरीच कसं बनवायचं ते पहा.

अगदी सुटसुटीत आणि तेवढ्याच चवीने खाणाऱ्यांसाठी हा स्पेशल पदार्थ आहे. सोबत तांबडा-पांढरा रस्सा असेल आणि ग्रेव्हीची गरज नसेल तर चिकन फ्रायसारखा चविष्ट पदार्थ दुसरा नाही.

साहित्य

1. बोनलेस चिकन 500 ग्राम

2. लिंबूचा रस एक चमचा

3. आलं-लसणाची पेस्ट एक चमचा

4. लाल मिरची पावडर दोन चमचे

5. मिरची पावडर एक चमचा

6. जिरा पावडर अर्धा चमचा

7. कॉर्नफ्लोर एक चमचा

8. तांदळाचा पीठ एक चमचा

9. अंडा एक

10. कढीपत्ता सात आठ

11. हिरवी मिरची 3

12. तेल डीप फ्राय करण्यासाठी

13. मीठ स्वादानुसार

कृती

सगळ्यात पहिल्यांदा चिकन पिस ला चांगले पाण्याने धुऊन घेणे. धून झाल्यानंतर चिकन चं पाणी सुकण्यासाठी ठेवणे. एका पॅनमध्ये तेल घेऊन त्यामध्ये कढीपत्ता आणि हिरवी मिरची फ्राय करून घ्या. त्यानंतर एका भांड्या मध्ये चिकन पीस घेऊन त्यामध्ये लिंबाचा रस आणि मीठ मिक्स करून चांगले मॅरीनेट करून घेणे आणि दहा मिनिटासाठी एका बाजूला ठेवून देणे .

आता एका वाटीमध्ये कॉर्नफ्लोर , तांदळाचा पिठ , अंडा , आलं-लसणाची पेस्ट , लाल मिरची पावडर घालून मिक्स करून घ्या. आता यामध्ये चिकन सिक्सटी फाय मसाला, जीरा पावडर, हळद पावडर आणि मीठ लावून चिकनला एका तासासाठी पुन्हा एकदा मॅरीनेट करण्यासाठी बाजूला ठेवून द्या.

त्यानंतर गॅस वर कढाई ठेवून त्यामध्ये तेल ओतून घ्यावे. तेल चांगले गरम झाल्यानंतर मॅरीनेट केलेले चिकन पीस थोडे थोडे करून चांगले फ्राय करून घ्या.बारीक गॅसवर फ्राय करून घ्या म्हणजे ते क्रिस्पी होतात.

हे चिकन अतिशय स्वादिष्ट लागते. आवडत असल्यास लिंबू पिळून घ्यावे. मिरची पूड ऐवजी नेहमीचा मसाला घातला तरी चालेल. जेव्हा चिकन गोल्डन ब्राऊन होतो तेव्हा गॅस बंद करून चिकन प्लेट मध्ये काढून घ्या. नंतर चिकन ला फ्राय केलेला कढीपत्ता आणि हिरवी मिरची करून सर्व करा. आपण हे चिकन फ्राय रोटी, नान, चपाती किंवा ब्रेडसोबत साइड डिश म्हणून खाऊ शकतो.