दिवाळी तोंडावर आली की चकली-शंकरपाळ्यांचा खमंग गंध घराघरात दरवळायला लागतो सध्या वातावरण पावसाळी असलं तरीही माणसांना फार फरक पडत नाही. आकाराने छोटे, चालता-फिरता चटकन तोंडात टाकता येणारा पदार्थ म्हणजे चटपटीत खारे शंकरपाळे,
आपण दिवाळी स्पेशल खास पारंपरिक पदार्थाच्या काही वेगवेगळ्या रेसिपी पाहणार आहोत त्यातील आठवी रेसिपी आहे, दिवाळी स्पेशल खारे शंकरपाळे कसे तयार करायचे ?
साहित्य:
● एक वाटी मैदा
● पाव वाटी रवा
● कस्तुरी मेथी
● काळे तिळ
● मिठ
● ओवा
● जिरं
● तेल
कृती:
मोठ्या बाउलमध्ये एक वाटी मैदा घ्यावा. त्यात पाव वाटी रवा टाकावा त्यानंतर दीड चमचा ओवा घ्या आणि हातांनी कुस्करून मैदामध्ये मिक्स करावा.
त्यानंतर कस्तुरी मेथी, काळे तिळ ,जिरे आणि पिठात चवीनुसार मीठ घालुन सर्व सामग्री नीट एकजीव करावी.
यानंतर मिश्रणामध्ये थोडं-थोडं तेल मिक्स करा.
पीठ आणि तेल चांगल्या पद्धतीने एकजीव करा. पिठामध्ये गाठी तयार होणार नाहीत, याची काळजी घ्यावी.यानंतर मैद्यामध्ये कोमट पाणी ओता आणि पीठ मळून घ्यावे.
मैद्याचे पीठ जास्त मऊ होणार नाही, याची काळजी घ्यावी. स्वच्छ कापडाच्या मदतीने 10 ते 15 मिनिटांसाठी पीठ झाकून ठेवा.मळलेल्या पिठाचे तीन भाग करा. यानंतर लाटण्याला थोडेसे तेल लावून शंकरपाळीच्या पिठाची पोळी लाटून घ्या. फिरकीने शंकरपाळ्या पाडून घ्या.
पॅनमध्ये तेल गरम करत ठेवा. तेल गरम झाल्यानंतर ओव्याच्या शंकरपाळ्या तळून घ्या. चॉकलेटी रंग येईपर्यंत शंकरपाळ्या फ्राय करत राहा. कुरकुरीत आणि गरमागरम शंकरपाळ्या तयार आहेत.चहा किंवा कॉफीसोबत शंकरपाळ्यांचा आस्वाद घ्यावा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.