रोज सकाळी उठून ब्रेकफास्टला काय करायचं असा प्रश्न आपल्या सगळ्यांसमोरच असतो. शिवाय अनेकदा रात्रीचं काहीतरी उरतच आणि ते टाकून द्यावस वाटत नाही. भात उरला की त्याला आई सऱ्हास फोडणी देऊन द्यायची पण या भाताचा अजून एक पदार्थ करता येतो हे तुम्हाला माहिती आहे का?

या भातापासून आपण चविष्ट आपे बनवू शकतात, गंमत म्हणजे कोणला कळणार सुद्धा नाही की हे भाताचे आप्पे आहे आणि छुपारुस्तमपणा करुन केलेली ही डिश घरात सगळ्यांचीच आवडती बनेल. बघूया, रेसिपी.

साहित्य - 

१. शिळा भात - १ वाटी 

२. रवा - अर्धी वाटी 

३. दही - पाव वाटी 

४. कांदा - १ 

५. शिमला मिरची - १ 

६. गाजर - १ 

७. मीठ - चवीनुसार 

८. तिखट - अर्धा चमचा 

९. चाट मसाला - अर्धा चमचा 

१०. तेल 

कृती -

१. राहिलेला भात, रवा आणि दही मिक्सरमध्ये बारीक करुन घ्यायचे. आवश्यकतेनुसार पाणी घालायचे आणि एकसारखे पीठ होईल असे करायचे.

२. कांदा, ढोबळी बारीक चिरुन आणि गाजर किसून या मिश्रणात घालायचे. 

३. यामध्ये मीठ, तिखट, चाट मसाला घालून मिश्रण एकजीव करुन घ्यायचे. 

४. आप्पे पात्रात तेल घालून त्यामध्ये पीठ घालून आप्पे दोन्ही बाजुने आप्पे खरपूस भाजून घ्यायचे. 

५. हे आप्पे सॉस, हिरवी चटणी, दही कशासोबतही अतिशय छान लागतात.