Oats Bhurji Recipe : ओट्स हे आरोग्यासाठी खूप फायदेशीर मानले जाते. सध्याच्या हेल्दी फूड रेसिपीजमध्ये प्रमूख पदार्थ म्हणून ओट्सचे नाव घेतले जाते. वजन कमी करून रोगप्रतिकारशक्ती निर्माण करण्यास मदत करते. सकाळच्या नाश्त्याला ओट्स खाल्ल्याने तुम्ही दिवसभर ऊर्जावान राहू शकता.

ओट्समध्ये फायबर, अँटिऑक्सिडंट्स आणि व्हिटॅमिन ई असते. त्यामूळे त्याचे शरीराला अनेक फायदे आहेत. आज आपण नाश्त्याला ओट्सची अंडा भूर्जी कशी बनवायची ते पाहूयात. कारण अंड आणि ओट्सचे शरीराला अनेक फायदे आहेत. तूम्ही अंडे खात नसाल तरी त्यासाठी दुसरा पर्याय आहे तो पाहूयात.

साहित्य

2 चमचे ओट्स, 2 अंडी कच्ची, 4 अंडी उकडून घेऊन त्याचा पांढरा भाग, तेल, 1 चिरलेला कांदा, मीठ, हिरवी मिरची आणि टोमॅटो.

कृती

एका मोठ्या भांड्यात आपण ऑमलेटसाठी तयार करतो तसे मिश्रण तयार करा, अंडी, ओट्स, भाज्या, हिरव्या मिरच्या आणि मीठ घालून एकजीव करा. एका मोठ्या पॅनमध्ये तेल गरम करा आणि त्यात तयार केलेले मिश्रण घाला. थोडा वेळ शिजू द्या. गॅस बारीक करून १० मिनीटे शिजवा. वाढताना त्यावर कोथंबिर टाका आणि ब्रेड किंवा चपातीसोबत सर्व्ह करा.

पनीर ओट्स भूर्जी

जर तूम्ही अंडे खात नसाल तर त्याजागी पनीरही वापरता येते. फक्त ते वापरण्याआधी पनीरचे छोटे तूकडे थोड्याशा तेलात फ्राय करून घ्या. तेलात भाज्या परतून त्यात थोडे पाणी घालून ओट्स शिजवा. ओट्स पूर्ण शिजल्यानंतर त्यात पनीर घालून मिश्रण कोरडे होईपर्यंत शिजवा.