Best Summer Smoothie To Keep Skin Healthy and Hydrated: सतत वाढत असलेलं तापमान आणि कडक उन्हामुळे त्वचेची काळजी घेणं दिवसेंदिवस कठीण होत चाललं आहे. अशा वेळी शरीराला थंडावा देणाऱ्या आणि त्वचेला नैसर्गिक चमक देणाऱ्या काही घरगुती उपायांची गरज अधिक जाणवते. आज आपण अशीच एक सोपी आणि पौष्टिक स्मूदी पाहणार आहोत जी फक्त शरीरच स्वच्छ करत नाही तर त्वचेलाही आरोग्यदायी आणि चमकदार ठेवते. चला तर मग सोपी रेसिपी पाहूया.

साहित्य (1 व्यक्तीसाठी)

• ताज्या पुदिन्याच्या पानां – ८ ते १०
• अननस (चिरलेला) – १०० ग्रॅम
• काकडी (सोलून चिरलेली) – ८० ग्रॅम

• काळं मीठ – १/४ टीस्पून
• पाणी – २०० मि.ली.
• ओल्या सब्जाच्या बिया – १ टीस्पून (२ टेबलस्पून पाण्यात १० मिनिटं भिजवलेल्या)
• बर्फाचे तुकडे – आवश्यकतेनुसार

कृती

१. मिक्सरमध्ये पुदिन्याची पानं, अननसाचे तुकडे, काकडी, काळं मीठ आणि पाणी एकत्र घालून मिक्स करा.
२. मिश्रण गुळगुळीत आणि फेसाळ होईपर्यंत ब्लेंड करा.
३. सर्व्हिंग ग्लासमध्ये आधी सब्जाच्या बिया आणि बर्फाचे तुकडे घाला.
४. त्यावर तयार केलेलं मिश्रण ओता, ढवळा आणि थंडगार सर्व्ह करा.

फायदे

• पुदिना आणि काकडी पचन सुधारून पोट फुगण्याची समस्या कमी करतात.
• अननसामध्ये असणारे डाइजेस्टिव्ह एन्झाईम्स आणि व्हिटॅमिन C त्वचेला नैसर्गिक चमक देतात.
• सब्जा बिया शरीराला थंडावा देतात व हायड्रेशनसाठी उपयुक्त ठरतात.

उन्हाळ्यात आरोग्य आणि सौंदर्य दोन्ही जपण्यासाठी या नैसर्गिक स्मूदीचा नक्की समावेश करा!