Sunday Special Receipe : रविवार आहे,काहितरी वेगळं खावस वाटतं आहे; रोजच्या भाजी पोळीच नावही नको आहे.. असे काही विचार तुमच्याही मनात येत असतील ना? सुट्टीचा दिवस म्हटला की हे घडणारच... म्हणूनच खास तुमच्यासाठी कोकोनट मिल्क राइसची ही रेसिपी.

कोकोनट मिल्क राईस म्हटल्यावर तुम्हाला वाटेल की हा गोड भाताचा प्रकार आहे पण तस नाही; हा राईस साऊथ इंडियन स्टाईल ने सगळे मसाले घालून तयार केला जातो; बनवायला अगदी सोपा आणि खायला त्याहून दुप्पट चविष्ट!

साहित्य

1 कप तांदूळ

1 1/2 कप नारळाचे दूध

2 कप पाणी

2 टीस्पून आले-लसूण पेस्ट

1-2 हिरव्या मिरच्या

2 चमचे तेल

1 तमालपत्र

4 वेलची

6 लवंगा

1 दालचिनी

1 टीस्पून जिरे

चवीनुसार मीठ

कृती:

1.प्रेशर कुकरमध्ये तेल गरम करा आणि संपूर्ण मसाले जसे की जिरे, वेलची, दालचिनी, लवंगा, हिरवी वेलची आणि तमालपत्र परतून घ्या.

२.आलं-लसूण पेस्ट घालून मसाल्यांचा वास येईपर्यंत छान परतवा आता त्यात हिरव्या मिरच्या घाला.

3. तुम्हाला हवं असेल तर तुम्ही तुमच्या आवडीच्या भाज्या देखील घालू शकता.

4. नारळाचे दूध आणि पाणी घाला. नंतर तांदूळ घाला आणि हे चांगले मिसळा. चवीनुसार मीठ घाला आणि उकळी फुटली की कुकरच झाकण बंद करा.

5. कमी आचेवर राईस शिजू द्या. फक्त एक 1 शिट्टी काढून राईस शिजल्याचा अंदाजा घेत गॅस बंद करा.

6. कोकोनट मिल्क राइस तयार आहे.