गेल्या काही दिवसांपासून सोशल मीडियावर पदार्थांची वाट लावलेले व्हिडिओ व्हायरल झाले आहेत. त्यात पाणीपुरी शेक, पाणीपुरी आईस्क्रीम, खमण ढोकळा आईस्क्रीम , मसाला डोसा आईस्क्रीम अशा काही पदार्थांचा समावेश आहे. पण आता त्यात भर म्हणजे लाडवाच्या शेकचा व्हिडिओ व्हायरल (Viral Video) झाला आहे. (Weird Food Viral Video)

व्हायरल झालेल्या व्हिडिओमध्ये एक व्यक्ती मिक्सरमध्ये बेसनाचा लाडू आणि मोतीचुराचा लाडू एकत्र करतो. त्यानंतर त्यात फुल क्रीम, दूध, साखर एकत्र करून मिक्सरमधून फिरवतो. हा मिल्कशेक प्यायला देताना दुकानदार त्यावर बेसनाच्या लाडूचे बारीक तुकडे घालून प्यायला देतो. हा व्हिडिओ पाहून हे दोन्ही लाडू आवडणारे लोकं जाम वैतागले आहेत.

हा व्हिडिओ इन्टाग्रामवर foodie_blest या फूड ब्लॉगरने शेअर केला आहे. हा व्हिडिओ पाहून लोकांनी विविध प्रतिक्रिया दिल्या असून देवा हा प्रकार तयार करणाऱ्याला माफ कर अशा काही प्रतिक्रिया दिल्या आहेत.