दर आठवड्याला कोणत्याना कोणत्या पदार्थावर प्रयोग करून त्याची पार वाट लावली जाते आहे. पाणीपुरी आईस्क्रीम, मसाला डोसा आईस्क्रीमनंतर (Icecream) आता चक्क पाणीपुरीचा शेक व्हायरल झाला आहे. पाणीपुरीवर झालेला असा अत्याचार बघून पाणीपुरीप्रेमी नाराज झाले आहेत. हा व्हिडिओ इंस्टाग्रामवर फूडी ब्लास्टने शेअर केला आहे. हा व्हिडिओ शेअर करताना त्याने असंही होऊ शकतं का?अशी कॅप्शन दिली आहे. हा व्हिडिओ (Viral Video) चांगलाच व्हायरल झाला आहे.

सोशल मीडियावर (Social Media)व्हायरल झालेल्या व्हिडिओमध्ये दुकानदार पाणीपुरी, आंबट पाणी आणि चटणी एकत्र करून त्याचा पाणीपुरी शेक करताना दिसतो आहे. ते करण्यासाठी त्याने आधी मिक्सरमध्ये पाणीपुरी टाकली. मग त्यात बारीक केलेले बटाटे, आंबट पाणी आणि चटणी टाकून सगळं मिक्सरमधून एकत्र करतो आणि ग्लासात भरून देतो. व्हिडिओमधील माणूस तिथेच थांबत नाही तो नंतर पाणीपुरीच्या पुऱ्या वरून चुरून टाकतो आणि ग्लास प्यायला देतो. हा व्हिडिओ बघून अनेकांना कसतरीच वाटलं आहे. पाणीपुरीची अशी वाट लावल्याने लोकांनी डोक्याला हात मारून घेतला आहे.