जगभरातल्या लोकांचे आवडीचे पेय म्हणून बिअर ओळखली जाते. जगात पाणी, चहा या सर्वात जुन्या पेयांनंतर बिअरचे(Beer) स्थान आहे. जगात दरवर्षी 43,52,65,50,00,000 बिअरचे कॅन रिचवले जातात. इतकेच नाही तर अनेक ठिकाणी पार्टीला, सेलिब्रेशन करण्यासाठी बिअर प्यायली (Drink)जाते. बिअर कुठेही सहज मिळते. पण बिअर पिताना तुम्ही त्याच्या बाटलीचा रंग हिरवा किंवा ब्राऊनच का असतो याचा विचार केलाय का? इतर कुठल्याही रंगाच्या या बाटल्या का नसतात. जे लोक नियमित बिअर पितात त्यांनाही यामागचं कारण माहिती नसेल. असं म्हटलं जातं की प्राचीन मेसोपोटेमियाच्या सुमेरियन सभ्यतेच्या काळापासून लोकं बिअर पित आहेत.

असा निवडला हिरवा रंग

दुसऱ्या महायुद्धाच्या दरम्यान तपकिरी रंगाच्या बाटल्यांचा तुटवडा निर्माण झाला. या रंगाच्या बाटल्या मिळत नव्हत्या. त्यामुळे बिअर निर्मिती करणाऱ्या कंपन्यांना ज्यावर सुर्याच्या किरणांचा वाईट परिणाम होणार नाही, असा रंग निवडावा लागला. त्यावेळी तपकिरी रंगाऐवजी हिरवा रंग निवडला गेला. त्यानंतर बिअर हिरव्या रंगाच्या बाटलीत मिळायला लागली.

कंपनीने शोधला पर्याय

बिअऱ तयार करणाऱ्या कंपन्यांनी समस्या सोडविण्यासाठी प्लॅन तयार केला. त्यानुसार, बिअरसाठी तपकिरी रंग असलेल्या बाटल्या निवडल्या गेल्या. हा पर्याय लोकप्रिय ठरला. या रंगाच्या बाटलीत असलेली बिअऱ खराब होत नव्हती. कारण सुर्याच्या किरणांचा प्रभाव या रंगांच्या बाटल्यांवर झाला नाही.

पांढऱ्या रंगाच्या बाटलीत खराब होते बिअऱ

हजारो वर्षांपूर्वी पहिली बिअर कंपनी प्राचीन इजिप्तमध्ये उघडली गेली, असे मानले जाते. त्यानंतर बिअरचे पॅकिंग पारदर्शक बाटल्यांमध्ये केले जात होते. तेव्हा सूर्याच्या किरणांमधून बाहेर पडणाऱ्या अतिनील किरणांमुळे बिअऱचे द्रव्य खराब होत होते. त्यामुळे बिअरला दुर्गंधी येत होती. म्हणून लोकं बिअऱ पित नव्हते.