Ganeshutsav 2022 cm eknath shinde devendra fadnavis at mukesh ambani house antilia
सध्या सर्वत्र गणेशउत्सव मोठ्या उत्साहात साजरा केला जात आहे, सध्या आपल्याकडे संबंध वातावरण चैतन्यमय झालं आहे. घरोघरी बाप्पा विराजमान झाले आहेत. प्रत्येकजण आपल्या घरातील सजावट, गणेशाची मूर्ती. आरास याचे फोटो शेअर करत आहेत.
यादरम्यान राजकीय क्षेत्रात देखील गणपती उत्सवाची धूम पाहायला मिळत आहे, आज महाराष्ट्राचे मुख्यमंत्री एकनाथ शिंदे यांनी गुरुवारी सायंकाळी अब्जाधीश उद्योगपती मुकेश अंबानी यांची दक्षिण मुंबईतील निवासस्थानी भेट घेत गणरायाचे दर्शन घेतले. मुख्यमंत्री शिंदे यांनी स्वतः या भेटीचे फोटो ट्विट केले आहेत. रिलायन्स उद्योग समूहाचे संचालक मुकेश अंबानी यांच्या मुंबईतील अँटिलिया या निवासस्थानी उपस्थित राहून श्री गणेशाचे मनोभावे दर्शन घेतले, असे मुख्यमंत्री शिंदे यांनी त्यांच्या ट्विटमध्ये म्हटले आहे. या भेटीच्या वेळी उपमुख्यमंत्री देवेंद्र फडणवीस, त्यांच्या पत्नी अमृता फडणवीस, मुकेश अंबानी यांच्या आई कोकिळाबेन अंबानी, चिरंजीव अनंत अंबानी उपस्थित होते, अशी माहितीही त्यांनी दिली आहे. मुख्यमंत्री एकनाथ शिंदे यांनी अंबानी कुटुंबियांच्या घरातील गणपती बाप्पांच्या मूर्तीचा फोटो देखील शेअर केला आहे. मुख्यमंत्री एकनाथ शिंदे यांनी अंबानी कुटुंबियांच्या घरातील गणपती बाप्पांच्या मूर्तीचा फोटो देखील शेअर केला आहे. Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.